Late 5:11 - Tedim Bible

¹¹ Ahih hangin nang hong belte khempeuh lungdamsak inla, nuamna la sasak tawntung in. Nangma min a deihte nangma hangin gualzo-in a lungdam theih nadingun amaute na hu hi.

Tedim Bible Revision 2017

¹¹ Ahih hangin nang hong belte khempeuh lungdamsak inla, nuamna la sasak tawntung in. Nangma min a deihte nangma hangin gualzo-in a lungdam theih nadingun amaute na hu hi.

Late 5:11 Referans Kwoze

ROM (Romans) 8:28

Ama deihna bang a sem dingin Pasian in a hong sap, amah a it eite a dingin na khempeuh a hoihlamin piangsak hi, ci-in i thei hi.

Late 68:3

Ahih hangin midikte lungdam ding hi. Pasian’ mai-ah nuamin diang ding uh a, amaute lungdam mahmahin awng-awng ding uh hi.

Late 40:16

Ahih hangin nang a hong zongte khempeuh nangma hangin nuamin kipak hen la, na hotkhiat ding a deihte in, “Topa lian hi!” ci ngitnget ta uh hen.

Jeim 1:12

A hoih takpi mah hiam, ci-in sinna a thuak ciangin a nangzote a hampha mahmah ahi hi. Tua bangin a nangzote in, amah a itte tungah Pasian in a piak dingin a ciam nuntakna lukhu a ngah ding uh hi.

1 KORIN MASA 2:9

Tua ahih manin Lai Siangtho sungah, “Kuamah in a muh ngei loh, a zak ngei loh, piangthei dingin zong a ngaihsut loh uh thu pen Pasian in amah a it mite a dingin a bawlkholh saksa ahi hi,” ci-in na kigelh hi.

Mangmuhna 18:20

Vantung aw, ama siatna hangin lungdam in. Mi siangthote, sawltakte, le kamsangte aw, note tungah hong gamtatna hangin Pasian in ama tungah thukhenna pia khinta ahih manin lungdam ta un,” a ci uh hi.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu-ah mihau a suak dingin Pasian in leitung mizawngte a teel hinapi-in,

Zekhariah 9:9

Zion mite aw, nakpitakin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh lano tungah hong tuang hi.

Late 69:36

Ama nasemte’ tate in tua leitang luah ding uh a, amah a itte tua sungah teng ding uh hi.

Late 65:13

gamlak lonona munte tuuhon tawh kizemin, kuampite an tawh kidim a, amaute lungdamin awngin la a sa khawm uh hi.

Late 35:27

Kei thutang ka hihna lahkhiat ding a deihte lungdamin awngin, kipaaksak inla, “A nasempa’ hoihna-ah a lungkim Topa lian hi,” cici sak in.

Late 58:10

Heh thukna a muh ciangin thuman mipa lungdam ding a, migilote’ sisan sungah amah in a khete sil ding hi.

JOB (Job) 38:7

Tua ni-in zingsang aksite in la sa khawm uh a, Pasian’ tapate lungdamin a kiko uh hi.

Thukhente 5:31

“Tua ahih ciangin na gal khempeuh si khin uh hi, Topa! Ahih hangin na lawmte pen a vangliatna tawh a suak ni bang ta hen,” a ci uh hi. Tua ciangin tua gam in kum sawmli sung tawlngakna hun a nei hi.