Late 47:3 - Tedim Bible

³ Mi khempeuh eima nuai-ah, minamte i khenuai-ah amah in hong zawhsak hi.

Tedim Bible Revision 2017

³ Mi khempeuh eima nuai ah, minamte i khe nuai ah amah in hong zawhsak hi.

Late 47:3 Referans Kwoze

1 KORIN MASA 15:25

Bang hang hiam cih leh Pasian in a galte khempeuh zo-in a khenuai-ah a koihkhit hun dong mateng Khrih in uk ding hi.

Late 18:47

hong thuhkik sakin keima nuai-ah mite a hong zawhsak Pasian,

Late 110:1

Topa in ka to kumpipa tungah, “Na galte nangma khengakna-in ka bawl matengin ka taklamah tu in,” a ci hi.

Late 81:14

Amau’ galte khempeuh ka zawhsak pak ding a, amau’ galte langpangin ka khut ka liik ding hi.

Filippi 3:21

Amah in na khempeuh ama khutnuai-ah koihna-in a zat vangliatna mah tawh a ginalo i leitung pumpi pen ama a’ mah bangin a minthang pumpi tawh hong kheelsak ding hi.

Thu-hilhkikna 33:29

Na galte in hong mai-etin, na kiangah hong pai ding uh a, amaute na tuancil ding hi,” a ci hi.

Joshua 21:44

Tua ciangin a pu a pate uh tungah a ciamsa bangin Topa in amaute tungah na khempeuhah tawlngakna a pia hi. Topa in a galte khempeuh uh amau khut sungah pia ahih manin a galte uh khat beek in zong amaute nang zo lo hi.

Late 66:5

Hong pai unla, Pasian’ sepsate mu un. Mite’ lak a a bawlnate-ah amah dipkuathuai hi.

Late 95:3

Bang hang hiam cih leh Topa, a lian Pasian hi a, pasian khempeuh tungah Kumpi lianpa ahi hi.

Late 99:2

Zion khuapi-ah Topa lian a, amah in leitung mi khempeuh uk hi.

Jeremiah 10:7

Gam khempeuhte’ Kumpipa aw, nang a hong kihta lo ding kua om ahi hiam? Nang, kihtak ding mah na hi hi. Bang hang hiam cih leh leitung mipil khempeuhte le amau’ gam sung khempeuh lakah nang tawh a kibang kuamah om lo hi.

Zekhariah 14:9

Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

Malakhi 1:14

A tuuhon lakah tuutal cidam nei napi-in, a kamciamsa bangin kei tungah hong piak ciangin, a sitbaang ganhing a hong pia mi khempeuh in samsiatna thuak tahen. Bang hang hiam cih leh kei pen a lian mahmah Kumpipa ka hi a, minam khempeuh in kei hong zahtak uh hi,” a ci hi.