Late 4:3 - Tedim Bible

³ Ahih hangin Topa in ama a dingin miphate a tuamkoihlam thei ta un. Ke’n ka sap ciangin Topa in hong za hi.

Tedim Bible Revision 2017

³ Ahih hangin Topa in ama adingin miphate a tuam koih lam thei ta un. Keʼn ka sap ciangin Topa in hong za hi.

Late 4:3 Referans Kwoze

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Late 34:15

Topa’ mit in thuman mite’ lam en a, amau’ kikona lamah a bil a ngat hi.

2 PETER NIHNA 2:9

Tua ahih manin Topa in tua bang mihoihte a gimna uh panin suakta sakin, tua bang migilote Thukhen Ni hun dongin gimna pia-in a koihcip theih nading siamna a nei hi.

2 TIMOTI NIHNA 2:19

Ahi zongin Pasian in a phuhsa sutpi kilokzo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna sukhalo ding hi,” cihna kigelh hi.

Titu 2:14

I mawhna khempeuh panin hong honkhia ding le ama neihtuam i suahtheih nadingin Jesuh amahmah hong kipumpiak a, eite pen gamtat hoih gamtat ding a lawp mahmah ihi hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasian’ mite na hi uh a, khuamial sung panin a lamdang mahmah ama khuavak sungah a hong samkhia pa’ nasepna a lamdangte a genkhia dingin Pasian in a hong teel mite na hi uh hi.

Paikhiatna 33:16

Bang hang hiam cih leh keimah le nangma mite in nangma muhna-ah maipha ka ngahna uh bang ci-in kithei ding ahi hiam? Leitung a om mi khempeuh tungah keimah le nangma mite ka tungnunna uh pen kote tawh nang nong paikhopna hi lo ahi hiam?” a ci hi.

Late 6:8

Siatna a bawlte khempeuh aw, ka kiang panin kihemkhia un; bang hang hiam cih leh Topa in ka kahna aw a za hi.

Efesa 2:10

Eite a hong bawlpa pen Pasian hi a, Jesuh Khrih tawh i kipawl ciangin i nuntakna-ah gamtat hoih a nei dingin a hong bawl ihi hi. Hih pen eite’ omzia dingin a na ngaihsut kholhsa ahi hi.

Late 50:5

“Biakpiakna tawh, kei tungah thuciamna a bawlte, ka mi citakte ka kiangah hong khawm un,” a ci hi.

Late 31:23

Ama mi siangtho khempeuh aw, Topa phat un! Pasian in thuman mite kem a, ahih hangin a kiphatsak gamtatte nakpitakin a thuk hi.

Late 56:9

Tua ciangin, keimah in kong koh ni peuh ciangin ka galte nungkik ding hi. Pasian pen keima-a’ ahihna ka thei hi.

Late 49:3

Ka kam in pilna thu gen ding a, ka lungsim ngaihsutna kitelsiang ding hi.

Late 62:10

Zawhthawh thu tawh ngahna muanin nei kei inla, suhgawpnate lametin nei kei in. Na hauhna a khan leh, tuate muanin nei kei in.