Late 34:3 - Tedim Bible

³ Kei tawh Topa nak phat un, ama min pahtawi khawm ni!

Tedim Bible Revision 2017

³ Kei tawh Topa nak phat un, ama min pahtawi khawm ni!

Late 34:3 Referans Kwoze

Late 69:30

Lasakna tawh Pasian’ min ka phat ding a, lungdamna tawh amah ka pahtawi ding hi.

Luka 1:46

Tua ciangin Mary in, “Ka lungsim in Topa phat a,

Late 40:16

Ahih hangin nang a hong zongte khempeuh nangma hangin nuamin kipak hen la, na hotkhiat ding a deihte in, “Topa lian hi!” ci ngitnget ta uh hen.

Late 66:8

Mite aw, a hingte lak a a hong kem pa, i khe a hong taalsak lopa, eite’ Pasian phat un. Amah phatna aw kizasak tawntung un.

Late 35:27

Kei thutang ka hihna lahkhiat ding a deihte lungdamin awngin, kipaaksak inla, “A nasempa’ hoihna-ah a lungkim Topa lian hi,” cici sak in.

Mangmuhna 14:7

Amah nakpitakin kiko a, “Amah in mihingte thu a khen ding hun hong tungta ahih manin Pasian kihta unla amah phat un. Van le lei, tuinak le tuipite a bawlpa hong bia ta un,” a ci hi.

2 KHANG TANGTHU NIHNATE 29:30

Tua ciangin David’ kammalte le thumu pa Asaf’ kammalte zangin Topa’ tungah phatna la a sak nadingun kumpipa Hezekiah le uliante in Levi mite thu a pia uh hi. Tua ciangin amaute in lungdamna tawh phatna late sa uh a, tua ciangin amaute kunin Pasian a bia uh hi.

1 KHANG TANGTHU MASATE 29:20

Tua ciangin David in a kikhawmte khempeuh tungah, “Topa na Pasian uh phat un,” a ci hi. Tua ciangin a kikhawmte khempeuh in a pute a pate uh Pasian Topa phatin a lu uh kun uh a, Topa bia-in kumpipa tungah zahtakna a bawl uh hi.

Sawltak 19:17

Efesa khua-a om Jew mi le Gentail mi khempeuh in hih thu za-in lau mahmah uh a, Topa Jesuh’ min nakpitakin a kiphat semsem hi.

Filippi 1:20

Ka si a, ka hing zongin, a diak diakin tu a kipanin a tawntungin midangte in Khrih phat theih nading lungsim hanna a neih theih nadingun ka lungsim le ka pumpi tawh keima tavuan ka lelh hetloh nading pen ka deihdeih, ka lametet bulpi ahi hi.

1 KHANG TANGTHU MASATE 16:10

Ama min siangtho hangin nuamin diang unla, Topa a zong mite khempeuh lungdam ta uh hen!

Late 69:33

Bang hang hiam cih leh Topa in a cimawhte’ aw za a, henna sungah a om a mite simmawh lo hi.

Jeremiah 9:23

Tua ciangin Topa in, “Mipilte in a pilna uh kisaktheihpih kei uh hen la, mi hatte in a hatna uh kisaktheihpih kei uh hen. Mihaute in zong a hauhna uh kisaktheihpih kei uh hen.

Jeremiah 9:24

A kisatheite in, keimah, leitungah migitna, thuman le thutang a zang ka hihna le tuate sungah nuam a sapa ka hihna thu hong theihna uhah kisathei uh hen. Topa in hih thu kong gen khin hi,” a ci hi.