Late 32:3 - Tedim Bible

³ Ka mawhna ka pulak loh ciangin, sunthapai ka tautauna hangin ka pumpi a thaneem hi.

Tedim Bible Revision 2017

³ Ka mawhna ka pulak loh ciangin, sunthapai ka tautauna hangin ka pumpi a thaneem hi.

Late 32:3 Referans Kwoze

Late 38:8

Kei hong kinengcip gawpin ka thahatna beimang khin a, ka lungsim gimna hangin thumin ka tautau hi.

Late 38:3

Nangma hehna hangin kei ka ci na a, ka mawhna hangin ka pumtangin ka na hi.

Kah la 3:8

Hong huh un, ci-in ka kiko hangin ka kikona aw a pualamah a kizazo kei hi.

Late 22:1

Ka Pasian, ka Pasian aw, bang hangin kei hong nusia na hi hiam? Nong huhna ding ka hong thumna panin bang hangin gamla om na hi hiam?

Hosea 7:14

Amaute in lungsim takpi tawh kei tungah huhna hong ngen lo uh a, dawibia mite bang lelin a gamta uh hi. An le leenggahzu a nget uh ciangin zong lawkite bangin a ngen uh hi. Amaute in kei hong lehdo uh hi.

Paunak 28:13

A khialhna a im mite a dau pai lo ding a, a mawhna pulakin a kikheel mite in hehpihna ngah ding uh hi.

JOB (Job) 30:30

Ka vun vomin dulhkhia a, ka pumtangin ka ci sa gawp hi.

Late 51:8

Lungdamna le kipahna kei tungah hong pia inla, na hong sukgawp mipa hong lungdamsak in.

Kah la 3:4

Amah in a liam a bai guh kitansa-in a hong nusia hi.

Kah la 1:3

Judah mite, a huh ding a nei lo silate bangin a inn panun kihawlkhia hi. Amaute gam dangah teng uh a, amau’ gam ding a om kei hi. Galte in umcih uh a, a suahtak theih nading uh lampi a om kei hi.

Isaiah 59:11

Eite khempeuh vompi bangin i humham a, vakhu bangin i thumthum hi. Eite in thutang i zong a, ahi zongin khat zong i mu kei hi. Hong hotkhiat ding i ngen a, ahi zongin bangmah hong piang lo hi.

Isaiah 51:20

Na mite gim khin a, ngenthang sungah a awk sanang bangin lam kiu khempeuhah amaute lum uh hi. Topa’ hehna, na Pasian’ taina amaute in a thuak uh hi.

Late 6:2

Topa aw, thaneem ka hih manin kei tungah dikna hong zang in. Topa aw, ka guh ka taang na mahmah ahih manin hong damsak in.

JOB (Job) 30:17

Zan thapai-in ka guh sung, ka tang sung khempeuh na a, a hong pet tawntung natna dai ngei peuhmah lo hi.

JOB (Job) 3:24

Bang hang hiam cih leh khuisatna, ka annek suak a, ka tauna, luipi ging bang hi.

2 SAMUEL NIHNA 11:27

A kahna a ven’ ciangin David in mi sawlin ama inn-ah tua nu lasak a, tua nu ama zi suakin, amah tawh tapa khat a nei hi. Ahih hangin David’ gamtatna thu in Topa lungkim lo sak hi.

Isaiah 57:17

Amau’ huaiham-mawhna hangin ka heh mahmah a, ka hehna lungsim tawh amaute gim pia-in ka nusia hi. Ahih hangin amaute a lungsim uh khauhin, a gamtat ngei bangun gamta lai veve uh hi.

1 SAMUEL MASA 31:13

Amaute in a guhte la-in Jabesh khuasung makeng kung nuai-ah vui uh a, ni sagih sung an a tang uh hi.

Paunak 17:22

Maitaina in ci damsak a, maigum tawntungna in guhtui teepkang hi.