Late 3:8 - Tedim Bible

⁸ Gualzawhna pen Topa nangma hang ahi hi. Na mite tungah na thupha hong tung ta hen!

Tedim Bible Revision 2017

⁸ Gualzawhna pen Topa nangma hang ahi hi. Na mite tungah na thupha hong tung tahen!

Late 3:8 Referans Kwoze

Isaiah 43:11

“Kei, keimah pen Topa ka hi a, kei simloh honpa dang om lo hi.

Jonah 2:9

Ahih hangin ke’n ahihleh lungdamna aw tawh biakna kong pia ding a, ka ciamsa thu ka tangtungsak ding hi. Topa’ kiang pan hotkhiatna hong pai hi,” a ci hi.

Hosea 13:4

Kei pen Egypt gam panin note a hong paikhiatpih note’ Topa Pasian ka hi hi. Tua hun lai-in kei simloh Pasian dang na thei kei uh a, note a hong honkhia pa kei bek ka hi hi.

Mangmuhna 7:10

Amaute nakpitakin awngin, “Tokhom tungah a tu i Pasian le Tuuno pen eite a hong honkhia ahi uh hi,” a ci uh hi.

Efesa 1:3

Khrih tawh eite i kipawlna hangin vantung gam panin kha tawh kisai letsong namkim hong pia ahih manin eite’ Topa Jesuh Khrih’ Pa ahi Pasian tungah i lungdamna ko ciat ni.

Sawltak 4:12

Ama hang bek tawh hotkhiatna kingah thei ding hi. Bang hang hiam cih leh eite in hotkhiatna i ngahtheih nadingin leitung khempeuhah Pasian in hong piak min dang khat zong om lo hi,” ci-in a gen hi.

Paunak 21:31

Galdo nadingin sakolte a baihsa-in kikoih a, ahi zongin galzawhna pen Topa’ hang hizaw hi.

Sawltak 3:26

Eite khempeuh i gitlohna panin kikheelin thupha a hong piaktheih nadingin Pasian in a Nasem dingin Jesuh teelin, eite kiangah a hong sawl masa ahi hi,” ci-in thu a gen hi.

Late 72:17

Ama min kip tawntung hen la, a minthanna kip paisuak hen. Ama hangin mite in thupha ngah hen la, minam khempeuh in amah pen thupha ngah pa, ci ta uh hen.

Jeremiah 3:23

Mualtungte le mualsangte’ tungah gamlum lialuanate zuaupi taktak hi a, Israel mite hotkhiatna ding Topa eite’ Pasian’ kiang bekah om takpi hi.

Mangmuhna 19:1

Tua khit ciangin vantungah mihonpi a kikona awging tawh a kibang khat ka za a, “Pasian phat un! Hotkhiatna, minthanna le vangliatna pen eite’ Pasian-a’ ahi hi.

Late 29:11

Topa in ama mite tungah thahatna pia tahen. Topa in ama mite tungah nopsakna thupha pia tahen.

1 PETER MASA 3:9

Hong bawlsiate siatna tawh thukkik loin hong samsia mite samsia kik kei unla, Pasian in note a hong sap lai-in thupha a hong piak dingin hong ciamsa ahih manin, hong siat bawlte thupha tawh na thukzaw un.

Hebru 6:14

“Nang thupha hong pia-in suanlekhak tampi a nei dingin ka hong ciam hi,” a ci hi.

Gamlak-vakna 10:35

Singkuang a dinkhiat peuhmah ciangin Moses in, “Topa aw, dingin na galte kithehthangsak inla, nang hong mudahte na mai-ah taisak in,” a ci hi.

2 SAMUEL NIHNA 23:12

Ahih hangin amah in tua munah panmun la-in hu a, Filistia-te that a, Topa in gualzawhna lianpi a piangsak hi.

Late 9:20

Amaute lausak in, Topa! Mi ahih lelna uh minamte theisak in!

Late 31:16

Na nasempa tungah na mai hong taangsak inla, na itna kip tawh kei hong hon in!

Late 58:7

Tui luangkhiate bangin amaute mangthangsak inla, lopa bangin amaute kituancil gawpin keutumsak in.

Late 119:94

Kei pen nangma a’ ka hi hi. Kei hong hon in. Bang hang hiam cih leh nangma thuhilhte zuih ding ka hanciam hi.