Late 3:3 - Tedim Bible

³ Ahih hangin Topa aw, nang pen ka kidalna lum, ka minthanna le ka lu hong phong pa na hi hi.

Tedim Bible Revision 2017

³ Ahih hangin Topa aw, nang pen ka kidalna lum, ka minthanna le ka lu hong phong pa na hi hi.

Late 3:3 Referans Kwoze

Late 27:6

Tu-in ka kimkotah a om ka galte tungah ka gualzo ding hi. Lungdamin kikona tawh ama buk sungah biakna ka pia ding a, la ka sa ding hi. Topa tungah la ngaih ka sa ding hi.

Late 28:7

Topa, ka hatna le ka lum hi a, amah ka muang hi. Tua ahih manin kei hong kihuh a, lungdamin ka diang a, ka lasakna tawh ama tungah lungdamna ka ko hi.

Piancilna 15:1

Hih thute khit ciangin mang sungah Topa’ thu Abram’ tungah hong tung a, “Abram aw, lau kei in. Keimah in lauhuaina panin nang ka hong hu ding a, na thaman lian mahmah ding hi,” a ci hi.

Late 119:114

Nang pen keima bukna mun le kei hong hupa na hi hi. Na thuciamna ka muang hi.

Isaiah 60:19

Sun hunin ni pen nangma khuavak hi lo ding a, zan hunin kha pen na khuavak hi nawn lo ding hi. Topa pen a tawntung nangma khuavak hi ding a, na Pasian pen na minthanna hi ding hi.

Late 62:7

Keima suahtakna le ka minphatna Pasian’ hang ahi hi. A muanhuai ka belh pa, ka bukna Pasian ahi hi.

Late 84:11

Bang hang hiam cih leh Topa Pasian pen eite a hong hupa a minthang i kumpi hi a, maipha le pahtawina a hong piapa ahi hi. Thumanin a gamta mite tungah Topa in na hoih bangmah siit lo hi.

Late 18:2

Topa pen keima suangpi, ka munkip muanhuai, kei a hong honkhia pa, ka Pasian, ka suangpi, ka belh pa, ka lum, ka kihotkhiatna ki, ka munkip ahi hi.

Mangmuhna 21:23

Pasian’ minthanna vang pen khuavak hi a, Tuuno zong meivak hi khin ahih manin tua khuapi in nitaang le khataang cihte kisam lo hi.

Late 110:7

Amah in lampi gei-a om luitui dawn ding a, amah a tha hatin a gualzo pa hi ding hi.

Late 4:3

Ahih hangin Topa in ama a dingin miphate a tuamkoihlam thei ta un. Ke’n ka sap ciangin Topa in hong za hi.

Mangmuhna 21:11

Tua khuapi pen Pasian’ vang tawh tee ziazua a, Jasper suangmanpha bangin taang a, Kristal suangmanpha bangin siang kilkel hi.

Luka 2:32

Gentail mite in khuavak a muh nading le nangma mi Israel-te a minthan nadingin na vaihawm hi,” a ci hi.

Thu-hilhkikna 33:29

Na galte in hong mai-etin, na kiangah hong pai ding uh a, amaute na tuancil ding hi,” a ci hi.

Piancilna 40:13

Ni thum sungin Faro in nang hong khah ding a, na za-ah nang hong koih kik ding hi. Ama an piapa na hih lai-a mah bangin ama khut tungah Faro’ hai na pia ding hi.

Isaiah 45:25

Israel suanlekhakte khempeuh, Topa’ hangin gualzo-in a kisial ding uh hi.

2 KUMPI NIHNATE 25:27

Judah kumpi Jehoiakhin thong sungah a omzawh kum sawmthum le kum sagihna kum, kha sawm le nihna, tua kha ni sawmnih le sagih ni, Babylon kumpipa Evilmerodak in uk ding a kipat kumin, hehpihna tawh thong panin Judah kumpi Jehoiakhin a khah hi.

2 KUMPI NIHNATE 18:30

Topa in eite hong honkhia taktak ding a, Assiria kumpipa’ khut sungah hih khuapi kipia lo ding hi, ci-a Hezekiah’ hong genna tawh Topa suang kei un,’ ci hi.