Late 27:1 - Tedim Bible

¹ Topa, ka khuavak le hong honpa ahi hi. Kua kihta ding ka hi hiam? Topa, kei a dingin munmuanhuai ahi hi. Bang laupih ding ka hi hiam?

Tedim Bible Revision 2017

¹ Topa, ka khuavak le hong honpa ahi hi. Kua kihta ding ka hi hiam? Topa, kei adingin mun muanhuai ahi hi. Bang lau pih ding ka hi hiam?

Late 27:1 Referans Kwoze

Hebru 13:6

Tua ahih manin kimuanna lungsim tawh hangtakin, “Topa, kei hong huhpa hi a, ka lau kei ding hi. Kua in bang hong cihzo ding ahi hiam?” ci ngam ni.

Late 118:6

Topa in kei hong ompih hi. Bangmah ka kihta kei ding hi. Mihingte in kei, bang hong cihzo ding ahi uh hiam?

Paikhiatna 15:2

Topa, kei a hong hupa hi a, keimah hong honkhia pa ahi hi. Amah, keima Pasian hi a, amah ka phat ding hi. Ka pa’ Pasian hi a, amah ka liansak ding hi.

2 KORIN NIHNA 12:9

Ahi zongin Topa in kei kiangah, “Na tha a nem ciangin keima vangliatna hat mahmah ahih manin nangma kisapna pen keima hehpihna hi bek hi,” ci-in hong dawng hi. Tua ahih manin keima sungah Khrih vangliatna hong omtheih nadingin lungdam takin ka thaneemna ka kisialhpih semsem hi.

Late 84:11

Bang hang hiam cih leh Topa Pasian pen eite a hong hupa a minthang i kumpi hi a, maipha le pahtawina a hong piapa ahi hi. Thumanin a gamta mite tungah Topa in na hoih bangmah siit lo hi.

ROM (Romans) 8:31

Hih teng bang ahih khit ciangin bang gen ding om nawn ahi hiam? Pasian in eite hong koppih peuh leh kua in eite hong zozo ding ahi hiam?

Johan 8:12

Tua khit ciangin Jesuh in mihonte kiangah a thugenna khatah, “Kei pen leitung khuavak ka hi hi. Kei hong zuite in khuavak nuntakna nei ding uh a, khuamial gamtatna nei lo ding uh hi,” a ci hi.

Isaiah 12:2

En in, Pasian pen kei a hong honkhia pa ahi hi. Amah ka muang ding a, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong honkhia pa ahi hi,” a cih hun uh hong tung ding hi.

Isaiah 61:10

Topa’ hangin nakpitakin ka lungdam ding a, ka Pasian’ hangin kipakin ka diang ding hi. Bang hang hiam cih leh zipi pa puanhoih tawh kizemin, mothak nu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.

Late 62:6

Kei hong hupa le hong honpa amah bek mah hi a, ka guallel ngei kei ding hi.

Late 18:28

Nangmah in keima mei nong vaksak a, Topa ka Pasian in ka khuamial na vaksak hi.

JOB (Job) 29:3

Tua hun lai-in Pasian in kei hong ompih tawntung a, khuamial sungah ka pai laitakin khuavak hong pia hi.

Filippi 4:13

Khrih in a hong piak vangliatna tawh hihte khempeuh nawkzawh nading thahatna a nei ka hi hi.

Late 118:21

Nangmah in kei hong dawngin, hong honkhia na hih manin nangma tungah ka lungdam hi.

Late 19:14

Topa, ka belh suangpi le keimah hong tankhia pa aw, ka kammal le ka lungsim ngaihsutnate nangma muhna-ah a sanhuai suaksak ta in!

Mangmuhna 21:23

Pasian’ minthanna vang pen khuavak hi a, Tuuno zong meivak hi khin ahih manin tua khuapi in nitaang le khataang cihte kisam lo hi.

Late 62:2

Kei hong huhpa le hong honpa amah bek hi a, ka guallel ngei kei ding hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Isaiah 2:5

Jakob’ suanlekhakte aw, hong pai un; Topa’ khuavak sungah gamta ni.

Late 18:46

Topa hing hi. Keima suangpi in thupha ngah hen la, ka kihotkhiatna Pasian,

Mangmuhna 22:5

Topa Pasian pen amaute’ khuavak hi-in, a tawntungin amaute in uk paisuak ding uh ahih manin khuamial hun cih om nawn lo ding a, khua a vaksak ding meivak le nitaang cihte kisam lo ding uh hi.

Johan 1:9

Ama gen khuavak taktak pen zong leitungah hong tung khin a, mi khempeuh a taan khin hi.

Mangmuhna 7:10

Amaute nakpitakin awngin, “Tokhom tungah a tu i Pasian le Tuuno pen eite a hong honkhia ahi uh hi,” a ci uh hi.

Luka 2:30

Ka mit mahmah tawh nong hotkhiatna ka mukhin a,

Late 11:1

Ke’n Topa ka bel hi. Bang hangin ka tungah, “Vasa leeng bangin mualtungah tai in;

Late 3:8

Gualzawhna pen Topa nangma hang ahi hi. Na mite tungah na thupha hong tung ta hen!

Luka 3:6

Mi khempeuh in Pasian’ hotkhiatna ngah ding uh hi,’” ci-in a kigelh hi.

Mattiu 8:26

Jesuh in, “Bang hangin tuaci lau na hi uh hiam? Na upna uh neu mahmah hi,” a cih khit ciangin tho-in huihpi le tuihualte thu pia a, a dai dide pah hi.

Isaiah 45:24

Topa’ hang bekin gualzawhna le thahatna kingah hi, hong kici ding hi. Kei hong mudahte khempeuh mindai-in maizum ding uh hi.

Late 43:2

Bang hang hiam cih leh ka hong belh Pasian na hi hi. Bang hangin kei hong nilkhia na hi hiam? Galte’ sukcip manin bang hangin kapin kidikdik ka hi hiam?

Thu-hilhkikna 7:18

amaute na kihta kei ding uh hi. Topa na Pasian un Faro le Egypt mite khempeuh tungah a hih,

Thu-hilhkikna 7:21

Note in amaute na kihta kei ding uh hi; bang hang hiam cih leh a lian a kihtakhuai ahi Pasian, Topa na Pasian uh note tawh a om hi.

Late 18:29

Nangma hangin galkap honkhat ka sugawpzo a, ka Pasian hangin khuakulh khat ka kanzo hi.

Jeremiah 20:11

Ahih hangin Topa pen a kihtakhuai galhang pa bangin kei tawh hong omkhawm gige hi. Tua ahih manin kei hong bawlsiate tuk ding uh a, kei hong zo lo ding uh hi. A tawntung a a mindaina uh kimangngilh ngei lo ding hi.