Late 26:3 - Tedim Bible

³ Bang hang hiam cih leh na itna kip in lam hong lak a, nangma tungah citakin ka gamta hi.

Tedim Bible Revision 2017

³ Bang hang hiam cih leh na itna kip in lam hong lak a, nangma tungah citakin ka gamta hi.

Late 26:3 Referans Kwoze

1 JOHAN MASA 1:7

Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawlkhat ihi a, ama Tapa Jesuh’ sisan in i mawhna khempeuh panin eite hong siangsak hi.

2 KUMPI NIHNATE 20:3

“Nangma mai-ah thuman tak le ka lungsim khempeuh tawh ka gamtatna, le nangma muhna-ah a hoih ka sepna thu tu-in hong phawk in, kong thum hi, Topa aw,” a ci hi. Tua ciangin Hezekiah nakpitakin a kap hi.

2 JOHAN NIHNA 1:4

Pa Pasian in eite hong thupiakna bangmahin na pawlpi mite pawlkhat in thu a mantakin a zuihna uh mu ka hih manin ka nuam mahmah hi.

Efesa 4:32

khatlekhat kihehpihin, lungsim nem tawh na kihozaw unla, Khrih’ hangin Pasian in note’ mawhna hong maisak mah bangin khatlekhat na mawhna uh na kimaisak ta un.

2 KORIN NIHNA 8:9

Bang hang hiam cih leh i Topa Jesuh zong hau mahmah napi-in ama zawnna tawh note mihau na suahtheih nadingun note’ hangin mizawngin hong kibawl ahih manin i Topa Jesuh Khrih hong itna bangzah takin lian hiam, cih thu na thei uh hi.

2 KORIN NIHNA 3:18

Tua ahih manin eite khempeuh i maitang hong kiliah nawn loin Topa’ minthanna vangtaang i kilangsak hi. Topa kiang panin a hong pai Kha Siangtho ahi tua minthanna vang in amah tawh a kibang dingin eite hong bawlpha a, minthanna khat panin minthanna sangzaw-ah hong omsak hi.

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Luka 6:36

Tua ahih manin na Pa un hehpihna a neih bangin note in zong hehpihna lungsim nei ta un.

Isaiah 8:20

Tua ciangin note in, “Topa in note hong hilh thute ngai un. Aisante’ thu ngai kei un. Amaute’ hong gen thute a kimanna om lo hi,” ci-in dawng un.

Isaiah 2:5

Jakob’ suanlekhakte aw, hong pai un; Topa’ khuavak sungah gamta ni.

Late 119:142

Nangma thumanna kip tawntung a, na thukham zong man tawntung hi.

Late 101:2

Paubaanna a om lo thu bek ka kin ding hi. Cik ciangin kei kiangah hong pai ding na hi hiam? Lungsim hoihna tawh ka inn sungah ka gamta ding hi.

Late 86:11

Topa aw, nang tungah hong thumanin nangma lampi ka zuih theih nadingin kei hong hilh inla, nangma min a zahtakte tawh keima lungsim pumkhat hong bangsak in.

Late 52:1

Mi thahatpa aw, bang hangin miphate suksiatna-ah kisial na hi hiam? Sunthapai-in, suksiatna na ngaihsunsun hi.

Late 25:5

Na thuman sungah kei hong paipih inla, lam hong hilh in. Bang hang hiam cih leh kei a hong hon Pasian na hi a, nang kong muang tawntung hi.

3 JOHAN THUMNA 1:11

Ka hong it lawm Gaias aw, mi hoih lote’ gamtatna zui kei inla, mihoihte’ gamtatna zui in. A gamtat hoih mite pen Pasian tawh a kipawl mi hi a, a gamtat hoih lo mite pen Pasian a thei nai lo ahi uh hi.