Late 24:3 - Tedim Bible

³ Topa’ mual tungah kuate kahto ding ahi hiam? Ama mun siangtho-ah kuate ding ding ahi hiam?

Tedim Bible Revision 2017

³ Topaʼ mual tungah kuate kah to ding ahi hiam? Ama mun siangtho ah kuate ding ding ahi hiam?

Late 24:3 Referans Kwoze

Late 15:1

Topa aw, na biakinn sungah kua om ding ahi hiam? Na mual siangtho tungah kua teng ding ahi hiam?

Hebru 12:28

Tua ahih manin a kilingsak zo lo Pasian’ gam i ngah manin lungdamin, zahtakna le lamdangsakna tawh Pasian’ lungkimna bangin amah bia ni.

Late 65:4

Nangma inn-ah a om dingin na teel na lakte mi nuamsa ahi hi. Nangma biakinn siangtho, na innsunga hoihna tawh kote ka lungkim ding uh hi.

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawlkhol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Late 2:6

“Ka mual siangtho Zion tungah ka kumpi ka tusak khin hi,” ci hi.

Late 68:18

Topa nangmah Pasian tua munah na om theih nadingin a sangna-ah kahto-in salte na paipih a, mihonte le mi lehdote’ tung nangawn panin piakkhong nate na ngah hi.

Siampi Laibu 10:3

Tua ciangin Moses in Aaron’ kiangah, “Topa in, ‘Ka kiang nai-a a omte kiangah keimah a siangtho-in ka kilak ding a, mi khempeuh’ mai-ah keimah hong kiminthangsak ding hi,’ ci hi,” ci-in a gen hi. Aaron pau loin a om hi.

1 KHANG TANGTHU MASATE 15:1

David in ama a dingin David khuapi sungah innte a lam hi. Amah in Pasian’ Thuciamna Singkuang a dingin mun khat bawlin puanbuk khat lamsak hi.

Johan 20:17

Tua ciangin Jesuh in, “Kei hong lenlen nawn kei in. Ka Pa kiangah a paito nai lo ka hi hi. Ka sanggamte kiangah va pai inla, ‘Keima Pa le note’ Pa, keima Pasian le note’ Pasian’ kiangah ka pai ding hi,’ ci hi, ci-in va gensak zaw in,” a ci hi.

Johan 13:36

Tua ciangin Simon Peter in, “Topa aw, koi-ah pai ding na hi hiam?” ci-in a dot ciangin Jesuh in, “Ka paina dingah tu-in na hong zui thei nai kei ding hi; ahi zongin nidang ciangin na hong zui ding hi,” ci-in a dawng hi.

Ezekiel 44:5

Tua ciangin Topa in kei kiangah, “Mihing ahi Ezekiel aw, tu-a na muh ding nate le na zak ding thute khempeuh hoihtakin ciamteh in. Ka biakinn a zatna ding ngeina om khempeuh tu-in a hong gen ding ka hi hi. Biakinn sungah a pai thei dingte le Siangtho Pen Munah a pai thei lo dingte khempeuh limtakin ciamteh in.

Ezekiel 44:9

“Tua ahih ciangin Topa Pasian in tu-in kong genin-ah: Vun ki-at lo gamdang mite peuhmah ka biakinn sungah lut lo ding uh a, note lakah a teng gamdang mite nangawn lut lo ding uh hi.