Late 23:6 - Tedim Bible

⁶ Na hoihna le nong itna in ka khantawnin a hong zuih ding tel takin-ah ka thei ta a, a tawntungin na inn sungah ka om ding hi.

Tedim Bible Revision 2017

⁶ Na hoihna le nong itna in ka khantawnin a hong zuih ding tel takin ah ka thei ta a, a tawntungin na inn sungah ka om ding hi.

Late 23:6 Referans Kwoze

Late 27:4

Topa’ tung panin na khat ka ngen khin a, tua ngenin ka zon ding pen: Topa’ inn sungah ka khan tawntungin om ding, Topa’ hoihna et ding le ama biakinn sungah thu dot dingte ahi hi.

2 TIMOTI NIHNA 4:18

Topa in siatna khempeuh panin kei hong honkhia ding a, ama vantung gamah muanhuai takin hong tunpih ding hi. Amah in a tawntungin minthanna ngah tahen. Amen.

2 KORIN NIHNA 5:1

Bang hang hiam cih leh hih ka tenna ka leitung pumpi uh a sih ciangin mihingte bawl ahi lo, Pasian in a kip tawntung dingin kote a dingin a hong bawlsak inn, vantungah a nei ding ka hihna uh ka thei uh hi.

Late 16:11

Nangmah in nuntakna lampi keimah nong lak hi. Nangma omna munah lungdamna lianpi om a, nangma taklamah nop tawntungnate a om hi.

2 KORIN NIHNA 1:10

Tua zahin a lauhuai sih nading panin hong honkhia khinzo a, zong hong honkhia lai ding hi. Mailam hunah zong hong honkhia kikkik ding hi, ci-in amah ka muang uh hi.

Late 103:17

Ahih hangin Topa’ itna kip pen amah a zahtak mite tungah a tawntung pan a tawntung dongin kip ngitnget a, ama thumanna pen ama thuciamna zui-in a thupiak bangin sep ding a phawk mite tungah a khang khangin a kip tawntung hi.

Late 17:15

Kei ka hih leh, thumanna tawh na maitang ka en ding a, ka khanlawh ciangin nangma mel muhna tawh ka lungkim ding hi.

Filippi 1:23

Hih thu nih khentat hak ka sa mahmah hi. Kei a dingin hoihzaw thampek ahih manin leitung pumpi si-in Khrih tawh omkhawm ding ka ut hi.

Late 21:4

Nangma tung panin amah in nuntakna hong ngen a, ama tungah nuntak sau na pia hi.