Late 23:1 - Tedim Bible

¹ Topa pen tuucin bangin hong cing hi a, kisapna teng kicing ta hi.

Tedim Bible Revision 2017

¹ Topa pen tuucin bangin hong cing hi a, kisapna teng kicing ta hi.

Late 23:1 Referans Kwoze

Filippi 4:19

A na ka sep i Topa Pasian in ama hauhna tawh kizui-in Khrih Jesuh hangin note’ kitangsapna khempeuh hong pia ding hi.

Johan 10:11

“Kei, tuucing hoih ka hi hi. Tuucing hoih in a tuute sihpih ngam hi.

Isaiah 40:11

Amah in tuucingpa bangin ama tuuhonte an vak ding a, ama tuuhonte kaikhawmin a ang sungah pua ding a, no ngeklai a neite dam takin a paipih ding hi.

Johan 10:14

Kei, tuucing hoih ka hi hi. Pa in kei hong thei-in, kei zong Pa ka theih mah bangin keimah in ka tuute ka thei a, ka tuute in zong kei hong thei uh hi. Tua ahih manin ka tuute ka sihpih ngam hi.

Mangmuhna 7:17

Bang hang hiam cih leh Tokhom laizangah a om Tuuno, amaute a kem pa hi ding a, nuntakna tui omna-ah amaute paipih ding a, Pasian in a khitui khempeuh uh nulsak ding hi,” hong ci hi.

Mattiu 6:33

Thudang khempeuh sangin Pasian’ ukna le ama deihna na zuih theih nading uh thupi ngaihsut masazaw un. Tua hileh hih na kisapna dangte khempeuh uh zong hong piathuah veve ding hi.

1 PETER MASA 2:25

Note, tuu bangin a gammang na hi uh a, ahi zongin note’ kha nuntakna hong Cingin hong Kem pa a zui dingin a hong kiciahpih kik khin na hi uh hi.

1 PETER MASA 5:4

Tuucing pipa hong pai ciangin a mual ngei lo minthanna lukhu a hong pia ding hi.

Late 84:11

Bang hang hiam cih leh Topa Pasian pen eite a hong hupa a minthang i kumpi hi a, maipha le pahtawina a hong piapa ahi hi. Thumanin a gamta mite tungah Topa in na hoih bangmah siit lo hi.

ROM (Romans) 8:32

Ama Tapa nangawn siit loin eite khempeuh a dingin hong piakhia ahih manin, na dang khempeuh zong hong piazaw kan ding hi lo ahi hiam?

Hebru 13:20

Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesuh pen sihna panin a thokiksak, eite tungah nopsakna a hong pia Pasian in,

Micah 5:4

Amah in Topa’ thahatna tawh a mite uk ding a, Topa ama Pasian’ vangliatna tawh a uk ding hi. Leitung mi khempeuh in ama liatna phawk ding uh ahih manin ama mite lungmuang takin om thei ding uh hi.

Late 78:52

Tua ciangin amah in tua bangin ama mite gamlakah paikhiatpihin, ganhing honpi bangin amaute a paipih hi.

Jeremiah 31:10

“Aw, gamdangte aw, Topa’ kammal ngai unla, gamlapi, tuipi gei-a omte kiangah va gensawn un. ‘Israel mite a kithehthang sakpa in kaikhawm kik ding a, tuucingpa in a tuute a kep bangin a kem ding hi,’ va ci un.

Late 79:13

Tua ciangin nangma mi, nangma gam sung tuu kote in nangma tungah lungdamna kong lak ngitnget ding uh a, a khang khangin nangmah phatnate ka gengen ding uh hi.

Micah 5:2

Bethlehem Efrathah khua aw, nang pen Judah gamah khua neupen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Late 34:11

Tate aw, hong pai unla hong ngai un; Topa zahtakna thu ka hong hilh ding hi.

Ezekiel 34:14

Lungmuang takin Israel mualtung lonona le guam sung munnuamte le Israel gam lonona mun khempeuhah ka gamtasak ding hi.