Late 20:5 - Tedim Bible

⁵ Na gualzawhna-ah eite lungdamin awngin, i Pasian’ min tawh i lante khai ni!

Tedim Bible Revision 2017

⁵ Na gualzawhna ah eite lungdamin awngin, i Pasianʼ min tawh i lante khai ni!

Late 20:5 Referans Kwoze

Paikhiatna 17:15

Moses in biakna tau khat lamin a min dingin, “Topa, keima zawhna lim ahi hi,” ci-in phuak a,

Late 60:4

Thalte panin kihemin a kikaihkhop nadingun nang hong zahtakte a dingin dial khat na koih khin hi.

1 SAMUEL MASA 1:17

Tua ciangin Eli in dawngin, “Nuam takin pai in. Israel-te’ Pasian in ama tungah na ngetsa thu hong pia hi,” a ci hi.

Isaiah 61:10

Topa’ hangin nakpitakin ka lungdam ding a, ka Pasian’ hangin kipakin ka diang ding hi. Bang hang hiam cih leh zipi pa puanhoih tawh kizemin, mothak nu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.

Isaiah 25:9

Tua ni ciangin, “En un, amah pen eima Pasian ahi hi. Eite a hong hon dingin amah i ngak hi. Amah pen eima Topa ahi hi. Amah i ngak hi. Amah in eite hong honkhia ahih manin lungdamin kipak ni,” kici ding hi.

Luka 1:47

hong Hon Pasian’ hangin ka nuam mahmah hi.

Late 118:15

Ngai un! Thuman mite’ puanbuk sungah gualzawh lungdamna la kisa a, “Topa’ taklam khut in a lian nate hih khin hi.

Late 35:9

Tua ciangin Topa tungah ka lungdam mahmah ding a, ama hotkhiatna-ah nuamin ka diang ding hi.

Late 13:5

Ahih hangin na itna kip ka muang a, nong hotkhiatna hangin ka lungdam ding hi.

Late 9:14

nangmah a hong kiphatnate phawk kikkik inla, na hong hotkhiatna hangin Jerusalem khua sungah ka nuamna ka gengen ding hi.

Habakkuk 3:18

Topa Pasian pen hong honkhia pa ahih manin lungdamin ka kipak lai veve ding hi.

Micah 4:5

Bang hang hiam cih leh midangte in amau’ pasian ciat bia-in a thu mang ding uh a, ahi zongin eite in ahihleh eima Topa Pasian mah a tawntungin bia-in ama thu i mang ding hi.

Late 19:4

Ahih hangin a aw uh leitung khempeuhah kizel a, a kammal uh leimong dongah a tung hi. Amau’ sungah ni a’ ding omna khat bawl khin a,

Isaiah 11:10

Tua ni ciangin Jessi’ zung pen mihingte’ tungah lim khat hi ding hi. Minamte in amah zong ding uh a, ama omna mun minthang mahmah ding hi.

Late 21:1

Topa aw, na hatna hangin kumpipa lungdam a, na huhna hangin amah nak nuam mahmah hi.

1 SAMUEL MASA 17:45

Tua ciangin David in Filistia-pa kiangah, “Namsau, teipi, le teikhawh tawh kei kiangah nang nong kuan hi. Ahih hangin kei pen Israel galkapte’ Pasian, a Vanglian Topa, nangmah in na to mipa’ min tawh nang kiangah kong kuan hi.

Late 21:3

Bang hang hiam cih leh thupha hoihte tawh amah na dawntuah a, ama lu tungah kham siang lukhu na khusak hi.