Late 20:3 - Tedim Bible

³ Na biakpiaknate khempeuh amah in hong phawk hen la, na meihal biakpiakna hong sang ta hen!

Tedim Bible Revision 2017

³ Na biakpiaknate khempeuh amah in hong phawk henla, na meihal biakpiakna hong sang tahen!

Late 20:3 Referans Kwoze

Late 51:19

Tua ciangin biakpiakna man, meihal biakna le meihal biakpiakna bupah na lungkim ding a, na biakna tau tungah bawngtalte hong kipia ding hi.

Sawltak 10:4

Amah in zong laukawmin vantungmi en a, “Topa aw, bang thu ahi hiam?” a cih ciangin, “Pasian in na thungetna hong za a, mizawngte na huhna zong hong thei-in nang hong phawk hi.

2 KHANG TANGTHU NIHNATE 7:1

Solomon a thunget a tawp ciangin, vantung panin meikuang hong paisukin meihal biakna le biakpiaknate kangtum a, tua ciangin Topa’ minthanna vang biakinn sung hong dim hi.

Piancilna 4:4

Abel in a tuuhon tacilte le a sa limcite paipih hi. Topa in Abel le ama piakna thusim a,

1 PETER MASA 2:5

Note zong nuntakna a piathei suangpi mah bangin kha thu tawh kisai biakinn lam nadingin na kizang unla, Jesuh Khrih hangin Pasian’ santheih biaknate a pia dingin a siangtho siampi na suak un.

Efesa 5:2

Khrih in eite a hong it manin Pasian in eite’ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Isaiah 60:7

Kedar gam tuuhonte khempeuh nang kiangah hong kipua ding a, Nebaioth mite’ tuutalte nangma deih nana-ah kizang ding hi. Ka biakna tau tungah piak dingin tuate hong kipaipih ding a, keimah in a minthang ka biakinn ka minthangsak semsem ding hi.

1 KHANG TANGTHU MASATE 21:26

Tua ciangin David in tua lai-ah Topa a dingin biakna tau khat lamin meihal biaknate le thunuama biaknate bawlin Topa’ tungah thu ngen a, tua ciangin amah in a thungetna a piakna-in a meihal biakna a hal dingin vantung panin meikuang a piasuk hi.

Siampi Laibu 9:24

Topa’ mai panin mei hong piangkhia-in meihal biakna le biakna tau tunga om sathau a kang hi. Mi khempeuh in a muh uh ciangin awng uh a, lei maingatin a kunsuk uh hi.

Late 128:5

Topa in Zion panin nang thupha hong pia hen la, na nuntak sung tawntung Jerusalem’ nopsakna mu ta in.

Late 134:3

Van le lei a bawl Topa in Zion panin note tungah thupha hong pia tahen.