Late 2:9 - Tedim Bible

⁹ Sik tawn khat tawh amaute na satkham ding a, beelseek pa in beel a denkhap bangin leilakah amaute na dengzan ding hi,” hong ci hi.

Tedim Bible Revision 2017

⁹ Sik tawn khat tawh amaute na satkham dinga, beelseek pa in beel a den khap bangin leilak ah amaute na deng zan ding hi,” hong ci hi.

Late 2:9 Referans Kwoze

Mangmuhna 12:5

Tua ciangin tua numei in leitung minam khempeuh sik ciangkhut tawh a uk ding ta pasal khat hong nei hi. Ahi zongin tua naungek pen thakhatin kilakhia-in Pasian a tutna a tokhomah a kipaipih hi.

Late 89:23

Ama mai-ah a galte ka sugawp ding a, amah a mudahte ka satpuk ding hi.

Mangmuhna 19:15

Minam dangte a zawhgawp nading namsau hiam khat a kam sung panin a pusuak hi. Amah in sik ciangkhut tawh minam dangte ukin, a Vanglian Pasian’ heh mahmahna tawh leenggah cilna-ah leengtui a sukkhia ding hi.

Isaiah 30:14

Tua cipna pen iplah ding om nawn loin a kidengkham beelseek pa’ beel themte meikhuka om meilakna ding ahi zongin, tuikhuka om tui dipna ding ahi zongin a om nawn het lo tawh kibang ding hi,” a ci hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo ding a, tua gam in gamdang khempeuhte zogawpin a kip tawntung ding hi.

Jeremiah 19:11

amaute kiangah, Vanglian Topa in a cihin-ah, hih beelseek pa’ beel kisukham a, a kibawlphat kik theih nawn loh bangmahin hih mite le hih khuapi ka sukham ding hi. Mun dangah si vuina ding mun om nawn lo ding ahih manin Tofeth nangawnah a kivui ding uh hi.

Mattiu 21:44

Hih suang tungah a kia mi khempeuh kizan gawp ding a, mi khatpeuh tungah tua suang a kiat leh zong dengzan gawp ding hi,” a ci hi.

Isaiah 60:12

Bang hang hiam cih leh nangma na hong sem lo minam le kumpi gam beimang ding a, tua minamte kisia-maimang ding hi.

Jeremiah 13:14

Pate le tate a kipan amaute khatlekhat ka kiphusak ding a, Topa in kong cihin-ah, hehpih lo, lainat lo, it loin ka sisak ding hi, ci hi,’ va ci in,” hong ci hi.

Daniel 2:45

Kuama lawn lohpi-in mualtung pan hong tuksuk suangtum in sik, sumngo, tungman, ngun, le kham tawh kibawl milim a denpaih na mu hi. A lian Pasian in mai lamah bang hong piang ding cih Kumpipa tungah a hong hilh ahi hi. Na mangmat pen ahi bang teekteekin kong gen a, a khiatna zong a man bangin kong genzo hi,” a ci hi.

Micah 5:8

A omlai Israel mite pen minam dangte’ lakah, gamlakah sa a beng, tuute a tuah ciangin manin balnen gawp a, a kam sung pan a honkhiazo a om lo, humpinelkai a bang ding uh hi.