Late 2:7 - Tedim Bible

⁷ Topa’ thukhenna tu-in ka hong gen ding hi: Amah in keima tungah, “Nang pen ka tapa na hi a, tuni-in na Pa ka suak hi.

Tedim Bible Revision 2017

⁷ Topaʼ thukhenna tu-in kong gen ding hi: Amah in keima tungah, “Nang pen ka tapa na hi a, tu ni-in na Pa ka suak hi.

Late 2:7 Referans Kwoze

Hebru 5:5

Tua mah bangin Khrih zong, amahmah in siampi lianpen nasep a semtawm mawk hi loin Pasian in ama kiangah, “Nang, ka Tapa na hi hi. Tuni-in na Pa ka suak hi,” na ci hi.

Mattiu 3:17

Tua sung mahin vantung panin aw khat hong ging a, “Hih pen ka it mahmah ka Tapa hi a, ama tungah ka lungkim mahmah hi,” a hong ci hi.

Mattiu 17:5

Tua bangin a pau laitakun meiingo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Late 89:27

Keimah in amah ta upa penin ka bawl ding a, leitung kumpite lakah a lianpenin ka bawl ding hi.

ROM (Romans) 1:4

Kha Siangtho thu lamsangah ci lehang misite lak panin vangliatna tawh a thawhsakkikna hangin Pasian’ Tapa ahihna thu Pasian in a kilangsak hi.

Johan 3:16

Pasian in leitung mite hong it mahmah ahih manin ama Tapa a um mi khempeuh si nawn loin a hin tawntung theih nadingun a Tapa neihsun a hong piak dongin a hong itna a hong lak hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasian’ pianzia a neihna ka mu cian uh hi. Hih pianzia pen Pasian’ Tapa khat bek hihna tawh a neih pianzia ahi hi.

Hebru 3:6

Ahi zongin Khrih pen Pasian’ innsung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasian’ inn ihi hi.

Johan 1:18

Kuamah in Pasian mu ngei lo hi. Pasian tawh a kinai pen, Pasian mah ahi Tapa khat bek in Pasian hong kilangsak hi.

Mattiu 16:16

Simon Peter in, “Nang pen a nungta Pasian’ Tapa, Khrih na hi hi,” ci-in a dawng hi.

Hebru 5:8

Amah, Pasian’ Tapa hinapi-in a thuakna tawh thumang ahih theih nading a na kisin hi.

Mattiu 8:29

Amaute nakpitakin hong kiko uh a, “Pasian’ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Isaiah 46:10

A kipat cil-in a tawpna ding thu ka pulak a, tanglai pek panin a piang nai lo nate genin, ‘Ka thugen kip ding a, ka ngimna khempeuh ka tungsak ding hi,’ ka ci hi.

Late 148:6

Amaute a tawntung a om dingin amah in kipsak a, a palsat loh ding uh thupiakna amah in a bawl hi.

JOB (Job) 23:13

“Amah kikheel ngei lo a, kuamah in amah nial zo lo hi. Ama hih nopte kuamah in khaktan zo lo hi.

Sawltak 8:36

Lampi-ah a pai laitakun tui omna mun tung uh a, mangpa in, “Hih lai-ah tui om hi. Tui kiphum nuam peuh leng kua’n hong kham thei ding ahi hiam?” a ci hi.

2 SAMUEL NIHNA 7:14

Kei pen ama pa ka hi ding a, amah pen keima tapa hi ding hi. Amah in mawhna a bawl ciangin, keimah in mite’ ciangduai tawh amah ka thuhilh ding hi.