Late 2:5 - Tedim Bible

⁵ Tua ciangin hehna tawh amau kiangah thu gen ding a, hehluat mahmahna tawh amaute linglawng sakin,

Tedim Bible Revision 2017

⁵ Tua ciangin hehna tawh amau kiangah thu gen dinga, heh luat mahmahna tawh amaute liing lawngsakin,

Late 2:5 Referans Kwoze

Isaiah 11:4

Thumanna tawh mizawngte’ thu khenin, lungsim nem mite’ thu ahi bangin khensak ding hi. Ama kam panin a thupiakna tawh leitung mite gim kipia ding a, a muk panin a thugenna tawh migilote si ding uh hi.

Mangmuhna 19:15

Minam dangte a zawhgawp nading namsau hiam khat a kam sung panin a pusuak hi. Amah in sik ciangkhut tawh minam dangte ukin, a Vanglian Pasian’ heh mahmahna tawh leenggah cilna-ah leengtui a sukkhia ding hi.

Late 21:9

Na kilat ciangin meiphual kuang bangin amaute na hih ding hi. Topa in hehna tawh amaute nawmvalh ding a, meikuang in amaute kangtum ding hi.

Luka 19:27

Tu-in, kumpi dingin kei a hong deih lo ka galte pen hih lai-ah hong paipih unla, keima muhna-ah that un,’ ci hi,” a ci hi.

Zekhariah 1:15

Tua bangin nuamtakin a om hithiat minamte tungah ka heh mahmah hi. Ka mite tungah ka hehna ki-ip tentanin ka om laitakin, hih minam dangte in ka mite’ gimna nasiasak semsem uh hi.

Isaiah 66:6

Ngai un, khuapi sunga gamlumna! Biakinn sunga awging! Topa in a galte gim a piakna huging ahi hi.

Mangmuhna 1:16

A taklam khutah aksi sagih tawi-in, a kam sung panin langnih a hiam namsau khat hong pusuak a, a maitang sun nitaang a bang hi.

Mattiu 22:7

Kumpipa zong heh mahmah a, a galkapte kuansakin tua mi thatte a thahsak khit ciangin a khua a haltumsak hi.

Late 109:20

Hih bang teng pen keimah hong mawhsakte’ tung, kei hong gensiate’ tungah Topa’ kiang pan a thaman hi tahen.

Isaiah 34:2

Bang hang hiam cih leh minam khempeuh tungah Topa lunghamin, amaute khempeuh tungah heh mahmah a, a simang dingin amaute koihin, thah dingin a pia khinta hi.