Late 2:11 - Tedim Bible

^11-12 Launa tawh Topa’ na sem unla, linna tawh a khe nam un; tua hikeileh amah sinso-in lamkalah na siamang ding uh hi; bang hang hiam cih leh amah heh pakpak hi. Amah a bel khempeuh mi nuamsate ahi hi.

Tedim Bible Revision 2017

^11-12 Launa tawh Topaʼ na sem unla, linna tawh a khe nam un; tua hikeileh amah sin so-in lamkal ah na sia mang ding uh hi; bang hang hiam cih leh amah heh pakpak hi. Amah a beel khempeuh mi nuamsate ahi hi.

Late 2:11 Referans Kwoze

Filippi 2:12

Tua ahih ciangin ka hong it sanggamte aw, note tawh ka hong omkhawm lai-in ka thu na hong man’ tawntung uh mah bangin, tu-in note tawh ka hong omkhawm loh hun ciangin zong ka thu na hong man’ ding uh thupizaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.

Hebru 12:25

Tua ahih manin note tungah thu a hong gen pa’ thugen na ngaih loh khak ding uh kidawm un. Hih leitungah thu a gen pa’ thu a ngai lote suakta lo ahih manin vantung panin thu a hong gen pa’ thugen ngai kei lehang i suakta kei zaw kan lai ding hi.

Late 97:1

Topa in uk hi. Leitung lungdam hen la, tuikulh neu tampite zong lungdam ta uh hen.

Late 99:1

Topa in uk hi. Mihonte ling hen. Kherub-te tungah amah tu hi. Leitung ling tahen.