Late 19:9 - Tedim Bible

⁹ Topa a kizahtakna siang a, kip tawntung hi. Topa’ ngeina kipte thuman a, a vekin kituakin man kim hi.

Tedim Bible Revision 2017

⁹ Topa a kizahtakna siang a, kip tawntung hi. Topaʼ ngeina kipte thuman a, a vekin kituakin man kim hi.

Late 19:9 Referans Kwoze

1 SAMUEL MASA 12:24

Topa zahtak unla, na lungsim khempeuh uh tawh citakin ama na sem un; bang hang hiam cih leh note a dingin amah in na lian hong bawlsaksate ngaihsun un.

Late 119:142

Nangma thumanna kip tawntung a, na thukham zong man tawntung hi.

Late 119:1

Amau’ gamtatna-ah paubaan om loin Topa’ ngeina sungah a gamtate thupha ngah ahi hi.

Mangmuhna 15:3

Amaute in Pasian’ nasem Moses la le Tuuno la sa uh a, “A Vanglian Topa Pasian aw, na nasepnate lamdangin lian mahmah hi. Khang tawntung a Kumpipa aw, na nasepnate-ah thumanin na thutang hi.

Late 115:13

Amah in Topa a zahtakte a lian a neu-in thupha hong pia ding hi.

Late 111:10

Topa zahtakna pen pilna kipatna ahi hi. Ama thupiak a zuite khempeuh tungah thukhen siamna a pia hi. Amah phat tawntung ding ahi hi.

1 KUMPI MASATE 18:12

Nang kiang panin kei ka paikhiat phetin ka theih lohna munah Topa’ kha in nang hong pua ding hi. Kei va pai-in Ahab kiangah genin amah in nang hong muh loh ciangin, ka khangno lai a kipanin keimah na nasempa in Topa a zahtak hinapi-in, amah in kei hong that ding hi.

Thu-hilhkikna 4:8

Tuni-in note kong hilh thute bangin thukham le ngeina kip a man a nei minam lian koi-ah om ahi hiam?

Piancilna 42:18

A ni thum ni-in Josef in amaute kiangah, “Keimah in Pasian zahtak ka hih manin hih bangin gamta un. Tua hileh na nungta ding uh hi.

Mangmuhna 19:2

A thukhennate thumanin thutang a, a paktatna tawh leitung mi khempeuh a siasak, a paktat nu tungah thu khen khinta a, ama nasemte a thahsakna hangin ama tungah a phu la khinta hi,” a ci uh hi.

Mangmuhna 16:7

Tua ciangin biakna tau panin aw khat hong ging a, “A Vanglian Topa Pasian aw, na thukhennate thumanin thutang hi,” a cihna ka za hi.

ROM (Romans) 2:2

Tua bang mawhna a gamtate, Pasian in gim a piak pen a man mah ahihna i thei ciat hi.

Isaiah 26:8

Topa aw, nangma deihna kong zui uh a, nang kong ngak uh hi. Nang pen kote’ deih kicinna na hi hi.

Late 119:106

A thuman ahi nangmah biakna ngeina kipte a zui dingin ka kiciam khin a, ka kipsak khin hi.

Late 119:7

Nangmah biakna ngeina kipte ka sin khit ciangin lungsim thutang tawh nangmah kong phat ding hi.

Late 36:6

Na thumanna pen Pasian’ mualte tawh kibang a, na thukhennate pen tuipi thuk tawh kibang hi. Mihing le ganhing na hon hi, Topa aw.

Late 36:1

Mawhna in migilo pa’ lungsim tawngah thu gen a, amah in Pasian zahtakna nei het lo hi.

Late 10:5

A hihna khempeuhah a maa pai ngitnget hi. Na thukhennate khempeuh ama muhna in a batzawh lohin sang mahmah a, a galte khempeuh ahihleh amah in nehpiksan lel hi.

Nehemiah 5:15

Keima hun ma-in a ukte in mite tungah van gikpi suan uh a, amaute’ tung panin nisimin an le leenggahzu ngun shekel sawmli man a la uh hi. Amau’ nasemte nangawn mite tungah kiliansak lai uh hi. Ahi zongin Pasian ka zahtakna hangin tua bangin kei ka gamta kei hi.

Paikhiatna 21:1

“Tu-in hihte pen amaute’ tungah na piak ding biakna ngeina kipte ahi hi.

Piancilna 22:12

Amah in, “Tangvalpa su kei in. Ama tungah bangmah hih kei in. Bang hang hiam cih leh nang in Pasian na zahtakna tu-in ka thei a, na tapa khat neihsun keima a dingin na humcip lohna ka mu hi,” a ci hi.

ROM (Romans) 11:22

Hih thu-ah Pasian a migit mahmahna le a khauh mahmahna i mu hi. A khial mite tungah khauh mahmah a, ama migitna a kizop paisuak theih nadingin na up paisuak nak-uhleh note tungah hong migi mahmah hi. Ahi zongin na zop paisuak kei uhleh note zong hong kisatkhia ding hi.

Sawltak 10:22

Amaute in, “Galkap bupa Kornelias in nang kiangah kote hong sawl hi. Amah pen Pasian a bia mihoih mahmah khat hi a, Jew mi khempeuh in zong a zahtak mahmah khat uh ahi hi. Amah in nangma thugente a zaktheih nadingin a inn-ah nang a hong sap nadingin Pasian in a vantung mite khat ama kiangah gensak hi,” ci-in a dawng uh hi.

Paunak 8:13

Topa zahtakna pen thusia muhdahna hi a, kiphatsakna le kihihsakna, gamtatsia le thuzuau ka mudah hi.

Late 147:19

Amah in Jakob tungah ama thu gen a, Israel tungah ama ngeina kipte le ama biakna ngeina kipte a gen hi.

Late 119:75

Topa aw, nangmah biakna ngeina kipte man hi, ci-in ka thei a, na thumanna hangin kei gim na hong pia hi.

Late 119:62

A thuman na ngeina kipte hangin nangmah a phat dingin zankim laitakin ka tho hi.

Late 119:39

Ka kihtak hong kikonate kei’ kiang pan heikhia in. Bang hang hiam cih leh nangmah biakna ngeina kipte hoih mahmah hi.

Late 12:7

Topa aw, kote hong dal inla, tukhang mite kiang panin kote hong kem in.

Late 119:111

Nangmah biakna ngeina kipte tawntung keima luah ahi hi. Tuate pen keima lungdamna ahi hi.

Isaiah 45:19

Keimah in mun simtham, khuamialna gam sungah thu ka gen kei hi. Jakob suanlekhakte tungah, ‘A awngthawl mun sungah kei hong zong un,’ ka ci kei hi. Keimah Topa in thuman ka gen a, a man nate ka pulak hi.