Late 17:3 - Tedim Bible

³ Keima lungsim hong sin inla, zan hun sungin ka kiangah hong hawh inla, keimah hong ze-et lecin, ka sungah gitlohna na mu kei ding hi. Ka kampau-in zong bangmah ka khial kei hi.

Tedim Bible Revision 2017

³ Keima lungsim hong sin inla, zan hun sungin ka kiangah hong hawh inla, keimah hong ze-et lecin, ka sungah gitlohna na mu kei ding hi. Ka kampau-in zong bangmah ka khial kei hi.

Late 17:3 Referans Kwoze

Late 26:2

Topa aw, hong ze-et inla hong sin in. Ka lungsim le ka ngaihsutna hong entel in.

Sawltak 11:23

Barnabas a tun ciangin Pasian in amaute thupha a piakna mu-in lungdam mahmah a, amaute citakin a lungsim khempeuh uh tawh Topa tungah a thuman nadingun a hanthawn hi.

Late 39:1

“Ka leii tawh ka khialhloh nadingin ka gamtatna ka kikem ding a, ka omna-ah migilote a omlaiteng ka kam ka kham ding hi,” ka ci hi.

JOB (Job) 23:10

Ahi zongin Pasian in ka kalsuanna khempeuh thei a, kei hong ze-et leh ka sianthona a mu ding hi.

Malakhi 3:2

Ahi zongin ama hong pai ni ciangin kua in thuakzo ding a, amah hong kilaak ciangin kua nungtazo ding ahi hiam? Amah pen, sikte a siangthosak mei, le puante a siangthosak satpiang tawh kibang hi.

Zekhariah 13:9

Tua a suakta sehkhatte pen meikhukah ngun a kisiansak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ thungetna ka pia ding hi. Keima mi ahihna uh amaute tungah ka gen ding a, amaute in kei pen amau’ Pasian ka hihna thu a kam uh tawh pulak ding uh hi,” a ci hi.

Late 139:1

Topa aw, nangmah in kei na hong entel a, nong thei khin hi.

Late 119:106

A thuman ahi nangmah biakna ngeina kipte a zui dingin ka kiciam khin a, ka kipsak khin hi.

Late 66:10

Bang hang hiam cih leh Pasian aw, kote na hong sin khin a, mei tawh ngun a kisin bangin kote na hong sin khin hi.

1 PETER MASA 1:7

Hih bang thuaknate in a um takpi mah na hihna uh hong kilangsak hi. A siathei khamte nangawn, a hoih taktak mah ahi hiam, ci-in mite in mei tawh sin uh ahih manin, kham sangin a manphazaw note’ upna zong a kiptak mah ahi hiam, ci-in Pasian in hong sin ding mah ahi hi. Tua bangin na thuakzawh uhleh Khrih hong kilat Ni ciangin phatna, minthanna, le pahtawina na ngah ding uh hi.

Micah 2:1

A lupna tungah lumin gitlohna a geelgeelte in gimna ngah tahen. Zingsang khua a vak ciangin, hihtheih ding hun a ngah phetun, a ngaihsutsa uh gitlohna a semkhia uh hi.

Hosea 7:6

Tua bangin amau’ sawmsimna mei bangin hong kuang hi. Zanthapai-in a hehna uh mei bangin khukhu a, zingsangin mei bangin hong kuangkhia hi.

Jeremiah 50:20

Tua ni hun ciangin, Topa in kong cihin-ah, Israel gamah khialhna kizong ding a, a kimu kei ding hi. Judah gamah mawhna kizong ding a, a kimu tuan kei ding hi. Bang hang hiam cih leh ka nuntaksak, ka nusiatlai mite a mawhna uh ka maisak ding hi.

Paunak 13:3

Pau a ki-ipzo mi in a nuntakna a hu hi a, a mawk paupau mi pen amah a kisiasak tawm ahi hi.

Late 16:7

Ngaihsutna a hong lak Topa ka phat a, zanin zong ka lungsimah hong suak hi.

Late 11:5

Topa in midikte le migilote entel a, a ngongtat nuam mite a lungsim in mudah hi.

Late 7:4

bangmah thu om lopi-in ka lawmte khemin, ka galte ka huh taak leh,

JOB (Job) 24:14

A zawng a cimawhte a thatlum dingin khuavak ma-in mi that pa kuankhia a, zan khuamial hun sungin mite’ na a guksak hi.

1 SAMUEL MASA 26:23

Topa in mi khempeuh a thumanna le a thutakna hangin thaman pia hi; bang hang hiam cih leh Topa in tuni-in ka khut sungah nang hong pia a, keimah in Topa’ sathau nilh pa a hih dingin ka khutte ka taangkhiasak kei hi.

1 SAMUEL MASA 24:12

Topa in kei le nang kikalah thu hong khen tahen. Topa in kei tangin nang tungah hong thuk tahen. Ahih hangin keima khut tawh nang kong hih kei ding hi.

Sawltak 16:9

Troas khua-ah a tunni zanin Paul in maang mu a, Masedonia gammi khat in ama kiangah, “Masedonia gamah hong pai inla, kote hong huh in,” ci-in a thum hi.

1 SAMUEL MASA 24:10

En in, Topa in tuni-in leihawm sung, ka khut sungah nang hong piakna nangmahmah in tuni-in na thei khin hi. Mi pawlkhat in nang a that dingin kei hong sawl a, ahih hangin nang kong hih kei hi. Keimah in, ‘Ka topa tungah ka khut ka nga kei ding hi; bang hang hiam cih leh amah pen Topa’ sathau nilh pa ahi hi,’ ka ci hi.

Jeim 3:2

Eite khempeuh a khialthei zelzelte vive ihi hi. Kampauna-ah a khial ngei lo mi a om leh a cingtaak mahmah hi a, a pumpi zong a ukzo mi ahi hi.

2 KORIN NIHNA 1:12

Kote’ kisialhpih thu in: hih leitung a ka gamtatnate uh le a diakdiakin note tungah kong gamtatnate uhah, mihingte’ pilna a zang hi loin Pasian hehpihna vang tawh, Pasian’ deihna bangin lungsim takpi tawh a gamta hi ung, ci-in ka kitheihna lungsim uh ahi hi.

1 KORIN MASA 4:4

Ka kisuan nading thu bangmah ka thei het kei hi. Ahi zongin tua pen ka dik hi, cihna hi pah lo hi. Keima thu a hong khen ding pa pen Topa ahi hi.

1 SAMUEL MASA 26:11

Topa’ sathau nilh pa tungah ka khut ka ngak ding Topa in kei hong kham hi; ahih hangin tu-in a lukhungah a om a teipi le a tuithawl la-in paikhia ni,” a ci hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei inla, na lungsim khempeuh le utna lungsim tawh ama na sem in; bang hang hiam cih leh Topa in lungsim sung zong a, ngimna le ngaihsutna khempeuh thei hi. Nangmah in amah na zon le nangmah in amah na mu ding hi. Ahih hangin amah na nusiat leh amah in nang hong paaikhia paisuak ding hi.

1 KHANG TANGTHU MASATE 29:17

Nangmah in lungsim entelin thumanna-ah na lungkimna ka thei hi, ka Pasian aw. Lungsim thumanna le citna tawh hih nate khempeuh kong pia khin a, tu-in nang tungah citna le lungdamna tawh a hong pia, hih lai-ah a om na mite ka muzo hi.

Late 139:23

Pasian aw, kei hong entel inla, ka lungsim hong thei in. Kei hong sit inla, ka ngaihsutnate hong thei in.

Jeremiah 12:3

Ahih hangin Topa aw, nangmah in kei nong thei hi. Ka gamtatnate nong mu a, nang ka hong itna thu na hong thei hi. Amaute pen gawh dingin a kikoih tuu bangin kaikhia inla, a kigawh ni hun ding a tun mateng tuamkoih in.