Late 16:4 - Tedim Bible

⁴ Pasian dang a teelte in amau’ dahna khangsak hi. Amau’ si theh biaknate ke’n bawlpih loin, amau’ pasian-te ka biakpih kei ding hi.

Tedim Bible Revision 2017

⁴ Pasian dang a teelte in amauʼ dahna khangsak hi. Amauʼ si theh biaknate keʼn bawl pih loin, amauʼ pasian-te ka biakpih kei ding hi.

Late 16:4 Referans Kwoze

Paikhiatna 23:13

Note’ tunga kong gente khempeuh thudon un; pasian dangte’ min genin nei kei unla, na kam sung panun zong tua bangte kizasak kei un.

Late 97:7

Bangmah a man lo milimte a kisaktheihpih, milim a bia mi khempeuhte maizumin kikoih a, ama mai-ah pasian khempeuh kun uh hi.

Late 32:10

Migilote in gimna tampi thuak uh a, Topa a muangte ahihleh itna kip in a hu hi.

Jonah 2:8

Kimanna a nei lo milim a biate in nangmah hong taisan uh hi.

Isaiah 57:6

Kuam sunga om suangmaite na la uh a, tua suangmaite na bia uh hi. Tuate tungah tui tawh biakpiakna sungin, an tawh biakpiakna na paipih uh hi. Hih thute’ hangin kei lungdam ding ka hi hiam?

Jeremiah 7:18

Naupangte in sing tomin, a pate un mei tawh uh a, nupite in a nusian uh vantung kumpinu a’ ding moh bawlna ding annel meek uh a, kei hong hehsak nadingun, pasian dangte’ dawn dingin leenggahzu tawh biakna a pia tazen uh hi.

Isaiah 66:3

Biakna-in bawngtal a gopa in mihing zong that hi. Biakpiakna-in tuuno a gopa in ui ngawng zong at hi. An tawh biakpiakna a bawlpa in vok si zong pia hi. Paknamtui tawh phawkna biakpiakna a bawlpa in milim zong bia-in thupha a pia hi. Hih mite amau ut bang ciatin gamta uh a, amau’ kihhuai gamtatna uhah nuam a sa uh hi.

Isaiah 65:11

“Ahih hangin kei a hong nusia, ka mual siangtho a mangngilh, Gad pasian a dingin sabuai phahin, Meni pasian a dingin zu helsa hai sungah a dim note pen,

Siampi Laibu 23:13

Tua tawh a kipia khawm ding an tawh biakna pen sathau tawh a kibawl annel lawh nih hi ding a, a gim namtui dingin Topa’ tungah meihal biakna-in kipia ding hi. Tua tawh a kipia khawm ding leenggahzu tawh biakna pen leenggahzu thawl khat hi ding hi.

Piancilna 35:14

Jakob in amah tawh a kihona munah suang khuam khat phut a, amah in tua tungah leenggahzu tawh biakpiakna a sungkhia hi. Tua tungah sathau zong a sung hi.