Late 16:3 - Tedim Bible

³ Leitungah a om mi siangthote ahih le, amaute nampi hi a, amaute sungah ka lungkimna teng om hi.

Tedim Bible Revision 2017

³ Leitungah a om mi siangthote ahihleh, amaute nampi hi a, amaute sungah ka lungkimna teng om hi.

Late 16:3 Referans Kwoze

Hebru 6:10

Pasian, a man loin gamta ngei lo ahih manin na Khristianpihte uh a beisa hunah na huhna uh le tu dongin na huh laina uh tawh ama a dingin na nasepna uh le amah na itna uh na lahnate uh hong mangngilh het lo ding hi.

Paunak 13:20

Mipil tawh kikhawl lecin na pil ding a, mihai tawh kikhawl lecin gimna na thuak ding hi.

Paunak 12:26

Midikte in a gamtatna uh tel et a, migilote a gamtatna un lam pialsak hi.

2 KHANG TANGTHU NIHNATE 6:41

Tu-in ding in, Topa Pasian aw, na tawlngakna ding munah na vangliatna lim Thuciamna Singkuang tawh pai in. Topa Pasian aw, na siampite, thupha pia inla, na hoihna-ah na mi siangthote lungdam tahen.

Sawltak 9:13

Ahi zongin Ananias in, “Topa aw, hih mipa in Jerusalem khua-a om nangma mite a bawlsiatna thu khempeuh, mi tampi tak in kei tungah hong gen khinzo uh hi.

Malakhi 3:17

Vanglian Topa in hih bangin ci hi: “Tua a kiciamteh mite pen keima mite hi ding uh hi. Keimah in na ka sep ni ciangin amaute pen keima neihtuam taktak mite hi ding uh hi. Pa in ama thu a mang a tapa a hehpih mah bangin kei zong amaute ka hehpih ding hi.

Isaiah 62:4

Nang pen a kinusia, hong kici nawn lo ding a, na leitang pen Gamkhing, kici nawn lo ding hi. Nang pen ama tungah ka lungkimna om, hong kici ding a, na leitang pen a Kitenpih, kici ding hi. Bang hang hiam cih leh nang tungah Topa lungkim a, na leitang pen a kitenpih zi tawh kibang ding hi.

Paunak 8:31

leitungah ka lungdam a, mihingte lakah nuam ka sa hi.

Late 119:63

Kei pen, na thuhilhte a zui, nangmah a hong zahtakte tawh a kikhawlpa ka hi hi.

Late 116:15

Ama mi siangthote a sih ciangin Topa in na sa mahmah hi.

Late 101:6

Leitungah a thuman mite kei tawh a om theih nadingin maipha ka pia ding a, paubaanna om loin a gamta mi in keima na hong sem ding hi.

Late 30:4

Ama mi siangthote aw, Topa tungah phatna la sa-in ama tungah lungdamna ko un.

Titu 3:8

Hih ka thugente a man mahmah ahi hi. Tua ahih manin Pasian’ thu a um mite in gamtat hoih a neihtheihna dingun hih ka hong thugente na lim ngaihsut ding ka deih hi. Ka hong thugente a hoih hi a, mite a dingin a manpha vive ahi hi.

Efesa 1:1

Pasian’ sawlna tawh Jesuh Khrih’ sawltak ahi keimah Paul in, Efesa khua-ah a om thu um mite tungah lai ka hong khak hi.

Galati 6:10

Tua ahih ciangin hunhoih i ngah simin midangte tungah a hoihin i gamta ding a, a diakdiakin thu upna sungah i innkuanpihte khempeuh tungah i hoih gamtat ding i phawk ding hi.

Solomon la 7:10

Ka ngaihno a’ ka hi a, amah in kei hong deih hi.

Late 122:8

Sanggamte le kikholhpihte ka khualna-in, “Jerusalem in nopna om ta hen,” ka ci ding hi.