Late 146:8 - Tedim Bible

⁸ Topa in mittawte khua a musak hi. Topa in niamsakna a thuak mite sangtosak a, Topa in thuman mite a it hi.

Tedim Bible Revision 2017

⁸ Topa in mittawte khua a musak hi. Topa in niamsakna a thuak mite sangtosak a, Topa in thuman mite a it hi.

Late 146:8 Referans Kwoze

Late 11:7

Bang hang hiam cih leh Topa dik mahmah a, dik gamtatna a deih hi. Thutang mi in ama mai a mu ding hi.

Late 145:14

Topa in a puk mite khempeuh huh a, niamsakna a thuakte khempeuh a sangtosak hi.

Mattiu 9:30

Tua ciangin amaute in khua mukik uh a, Jesuh in amau tegel kiangah, “Hih thupiang kuamah theisak kei un,” ci-in khauh takin a gen hi.

Sawltak 26:18

Pasian’ teel mite’ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theihna dingin Satan’ khutsung panin Pasian’ khut sungah a heikhia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasian’ mite na hi uh a, khuamial sung panin a lamdang mahmah ama khuavak sungah a hong samkhia pa’ nasepna a lamdangte a genkhia dingin Pasian in a hong teel mite na hi uh hi.

Efesa 1:18

Note bang dingin hong sam a, a mite tungah a hong ciam thupha lamdangte bangzah takin lian a, thu um ahi eite sungah na a hong sem vangliatna bangzah takin lian ahi hiam, cih na muhtheih nadingun note’ lungsim mit hong vaksak nadingin thu ka na ngen hi. Eite sungah na a hong sem vangliatna pen sihna panin Khrih hingsakin, vantung gamah zong, ama taklamah a tutsak nadingin a zat vangliatna mah ahi hi.

2 KORIN NIHNA 7:6

Ahi zongin a lungkia mite a hanthawn Pasian in Titus hong tunna tawh kote hong thakhauhsak hi.

Johan 16:27

Bang hang hiam cih leh note in kei hong itin, Pa kiang panin a hong pai ka hihna thu um na hih manun Pa mahmah in note hong it ahihna hang ahi hi.

Mattiu 11:5

Mittawte in khua mukik a, khebaite paithei kikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Isaiah 35:5

Tua ciangin mittawte’ mit kihong ding a, bilngongte’ bil kihong ding hi.

Isaiah 42:16

“Amau’ theih loh lampi-ah mittawte ka paipih ding a, amau’ theih ngei loh sul zuihpihin ka kha ding hi. Amau’ mai-ah khuamial pen khuavak suaksakin, a phokna munte a tamin ka bawl ding hi. Hihte pen keima hih ding nate hi a, tuate sem loin ka nusia kei ding hi.

Late 147:6

Topa in a kisikcip mite laamto-in, migilote leilak a denna hi.

Thu-hilhkikna 33:3

Hi taktak hi; amah in a mite it a, ama tungah a ki-ap mi khempeuh a khut sungah om hi. Tua ahih ciangin amaute in na kalsuanna hong zui uh a, nang tung panin lamlahna ngah uh hi.

Isaiah 42:18

“Bilngongte aw, za un. Mittawte aw, na muh theih nadingun en un!