Late 146:6 - Tedim Bible

⁶ Amah in van le lei, tuipi le tuate sungah a om khempeuh bawl a, a tawntungin thuman hi.

Tedim Bible Revision 2017

⁶ Amah in vanlelei, tuipi le tuate sungah a om khempeuh bawl a, a tawntungin thuman hi.

Late 146:6 Referans Kwoze

Mangmuhna 14:7

Amah nakpitakin kiko a, “Amah in mihingte thu a khen ding hun hong tungta ahih manin Pasian kihta unla amah phat un. Van le lei, tuinak le tuipite a bawlpa hong bia ta un,” a ci hi.

Late 100:5

Bang hang hiam cih leh Topa hoih hi. Ama itna kipin kho tawntung a, ama thumanna a khang khangin kip hi.

Paikhiatna 20:11

Bang hang hiam cih leh a ni guk sung tengin Topa in van le lei, tuipi le tuate sunga om khempeuh bawl a, a ni sagih ni tawlnga hi. Tua ahih ciangin Topa in Sabbath ni thupha pia-in siangthosak hi.

Kolose 1:16

Vantung le leitungah a om na khempeuh, kha thu tawh kisai vangliatna, tote, mi ukte, aana neihnate a kipan a kimuthei hitaleh a kimu thei lo hitaleh na khempeuh, Pasian in amah zangin a piangsak hi. Leitung a kipanin huih lakah a om khempeuh dongin, Pasian in Khrih a dingin amahmah zangin a piangsak hi.

Jeremiah 32:17

‘Topa Pasian! Nangma vangpi le na khut tawh vantung le leitung na bawl khinzo hi. Nang a dingin a haksalua khat beek om lo hi.

Piancilna 1:1

A kipat cil-in Pasian in vantung le leitung a piangsak hi.

Late 95:5

Ama bawlsa tuipite uk a, ama bawlsa leitung zong amah in a uk hi.

Late 89:2

Bang hang hiam cih leh nangma itna kip tawntung a, na thutakna zong vantung bangin kip tawntung hi.

Hebru 6:18

Tua hi a, a kikheel thei lo thu nih kithuap ahih manin Pasian in zuau gen thei lo ding hi. Tua hi a, amah a beel eite in eite mai-ah hong kikoih lametna thu kiptakin i letcip nadingin i tha hong nuamsak hi.

Late 117:2

Bang hang hiam cih leh eite a hong itna lian mahmah a, Topa’ thutakna a tawntungin kip ngitnget hi. Topa phat un.

Late 33:6

Topa’ kampauna tawh vantung piang a, a kam pana husanna tawh vantung nate a piang hi.

Sawltak 14:15

“Lawmte aw, bang hangin hih bangin gamta na hi uh hiam? Kote pen note mah bangin mihing ka hi lel uh hi. Bangmahin a kimang lo hih milimte na biakna uh panin kihei-in, vantung, leitung, tuipi le tuate tung le a sunga om khempeuh a bawl a nungta Pasian na biak nadingun Lungdamna Thu note kiangah a gen dingin hih lai-ah a hong om ka hi uh hi.

Johan 1:3

Pasian in Thu tawh na khempeuh piangsak a, a kipiangsak na khempeuh, Thu tawh loin a kipiangsak khat beek om lo hi.

Late 115:15

Van le lei a bawl Topa in note thupha hong pia tahen.

Johan 10:34

Tua ciangin Jesuh in, “Na Thukham sung uhah Pasian in, ‘Note pen pasian-te na hi uh hi,’ ci hi.

Daniel 9:4

Topa ka Pasian’ kiangah thu ngenin ka mite’ mawhna ka pulak hi. Keimah in, “Topa Pasian aw, nang na lian a, ka hong zahtak uh hi. Nang na thuman a, na thuciamna le na thupiakna a mangte le a hong itte a tawntungin na it hi.

Late 98:3

Amah thutakin, it tawntungna nei ahih manin Israel-te tungah a thuciamna a tungsak hi. Leitung mi khempeuh in eite’ Pasian’ gualzawhna mu khinta uh hi.

Late 89:33

Ahih hangin amah ka itna ka khiam kei ding a, ka thuciamna ka kipelhsak kei ding hi.

Thu-hilhkikna 7:9

Tua ahih ciangin Topa na Pasian uh amah bek ahi Pasian hi a, amah itin a thupiakna a zuite tungah khang tulkhat dongin thuciamna le itna kip lenin a thuman Pasian,

Micah 7:20

Ka pu ka pate uh tungah na ciamsa bangin, Abraham’ suanlekhakte ahi nangma mite tungah na cihtakna le nong itna kip nong lak ding hi.