Late 146:4 - Tedim Bible

⁴ A husanna a bei ciangin lei-ah ciahkik uh a, tua ni mahmahin a ngaihsutnate uh beita hi.

Tedim Bible Revision 2017

⁴ A husanna a bei ciangin lei ah ciahkik uh a, tua ni mahmah in a ngaihsutnate uh bei ta hi.

Late 146:4 Referans Kwoze

Thuhilh-sia 12:7

I pumpi, lei suakkik ding a, i nuntakna a hong pia Pasian’ kiangah i kha ciahkik ta ding hi.

Late 104:29

Na maitang na seel ciangin amaute khasia uh hi. Amau’ husanna na lakkhiat ciangin amaute si-in amau’ pianna leivui-ah a ciahkik uh hi.

Piancilna 2:7

Topa Pasian in leilak pana leivui tawh mihing bawl a, a nak sungah nuntakna hu sang suk hi. Tua mi pen leitung nuntakna a nei mihing hong suak pah hi.

Piancilna 3:19

Lei-ah na ciahkik matengin khua-ul kai-in na na sep ciang bekin an na ne ding hi. Bang hang hiam cih leh lei sung panin nang hong kipiangsak a, nang, leivui na hih manin, leivui mah na suakkik ding hi,” a ci hi.

1 KORIN MASA 2:6

Ahi zongin kha thu lamah a khangham mite tungah pilna thu ka gen hi. Tua ka gen pilna pen tu-in a maimang kuankuanta ding hih leitung mite’ pilna le vangliatna thu hi lo hi.

Late 33:10

Topa in minamte’ thungaihsutna a mawkna suahin, mite’ geelna a khaktan hi.

JOB (Job) 27:3

ka sungah nuntakna a omlaiteng, Pasian’ hu, ka nakah ka diik laiteng,

JOB (Job) 17:11

“Ka hun beita hi. Ka geelna teng maimang a, ka lametna teng beita hi.

JOB (Job) 14:21

Amah a pahtawi dingin a tapate hong pai taleh zong amah gimlua ahih manin bangmah phawkzo nawn lo a, a tapate mindai taleh zong bangmah phawkzo nawn lo hi.

Daniel 5:23

Vantung Topa’ langah na pang hi. A biakinnpi hai le kuangte la-in sabuai tungah nangmah tawh, na miliante tawh a zineute le na zite uh tawh zunekna-in na zang uh hi. Theihna a nei lo, a mu thei lo, khua a za thei lo ngun, kham, sumngo, sik, sing, le suang tawh a kibawl pasian-te’ min na phat uh hi. Na nuntakna le na hihna khempeuh a hong uk Pasian na zahtak kei hi.

Kah la 4:20

Amaute in galte’ khutsung panin a hong huhzo dingin ka up uh, Pasian’ teel a muanhuai kumpi a hong matsak uh hi.

Isaiah 2:22

Mihingte muanin nei nawn kei un. Amaute leltak banga simtham ding ahi hiam?

Late 90:3

Mi, leivui na suaksakkik a, “Mihingte aw, ciahkik un,” na ci hi.

JOB (Job) 17:1

“Ka bei ding hun nai kuan ta a, hu ka sangzo nawn kei hi. Kei a dingin hankhuk cih loh bangmah dang om nawn lo hi.

JOB (Job) 14:10

Ahi zongin mi si a, amah maimang pah hi. Amah a beina tungta a, koi-ah om nawn ahi hiam?

Piancilna 6:17

Bang hang hiam cih leh, en in, leitungah a om nuntak husanna a nei khempeuh a susia dingin leitungah tuiciin ka tungsak ding hi. Leitung a om khempeuh si ding hi.

Thuhilh-sia 9:6

Amau a dingin itna, muhdahna, hanciamna cihte om nawn lo a, leitung a om nate khat beek theikha kik nawn lo ding uh hi.