Late 140:3 - Tedim Bible

³ A leii uh gulpi leii bang a, a thugente uh gulgu bang hi.

Tedim Bible Revision 2017

³ A leii uh gulpi leii bang a, a thugente uh gulgu bang hi.

Late 140:3 Referans Kwoze

Late 58:4

Amaute in gulpi’ gu bang gu nei uh a, a khiimte’ aw ahi a, a zol siamte’ aw ahi zongin bangmah a za het lo, gul bilngong tawh kibang uh hi.

2 KORIN NIHNA 11:3

Ahi zongin gulpi in ama zuau ngian tawh Eve a khemzawh bangin na lungsim uh kihei-in Khrih tungah na kipiaknate uh na nusiatkhak ding uh ka lunghimawh hi.

Paunak 23:32

A tawpna-ah gulpi bangin nang hong tu ding a, gul gunei in a tuk na bang ding hi.

Mattiu 12:34

Gul bangin ngian a zang note aw, migilo na hih uh ciangin bangci-in thuhoih genthei mah ding na hi uh hiam? Bang hang hiam cih leh lungsim sunga thu om pen kam in a genkhia hi bek hi.

Jeremiah 9:5

Mi khempeuh in a vengte uh khem ciat uh a, thuman gen kuamah om lo hi. A leii uh zuauthu gen dingin kisinsak uh a, mawhna a bawl manun tawllua uh a, kisikzo nawn lo uh hi.

Jeremiah 9:3

A leii uh thalpeu bangin zang uh a, zuauthu bekbek a lawn khiakhia uh hi. Gam sungah thuman om loin zuauthu bekbek a dim hi. Siatna lam manawh tektek uh a, kei hong thei lo uh hi, Topa in a ci hi.

Late 57:4

Huaihamna tawh mihing a netum, humpinelkai tawh a kibang mite’ lakah ka om hithiat hi. Amau’ hate, namsau hiam tawh kibang hi.

Isaiah 59:13

Nangmah hong lehdo-in nang kong nial uh a, na thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuauthu vive ahi hi.

Paunak 12:18

Ngaihsun lo-a kampauna in tem hiam bangin mi liamsak thei a, mipilte’ kampauna in tua bang liamna damsak thei hi.

Piancilna 3:13

Tua ciangin Topa Pasian in numei kiangah, “Bangci a hici gamtat na hi hiam?” a ci hi. Numei in, “Gulpi in kei hong khem a, ka ne hi,” ci hi.

Late 59:7

Amaute a kam uh tawh nakpipi-in hawk uh a, a muk uh tawh zuauthu gengen uh hi. Bang hang hiam cih leh, “Kua’n hong za ding hiam?” ci-in amaute in ngaihsun uh hi.

Paunak 6:14

A lungsimah thusia bekbek ngaihsun niloh a, a omna peuhah buaina a piangsak hi.

Kah la 3:62

Sun tawntung keimah bawlsiat ding bekbek kikumin a vaihawm tawntung uh hi.