Late 139:21 - Tedim Bible

²¹ Topa aw, nang hong mudah mite ke’n mudah hi lo ka hi hiam? Nang’ langah hong pangte ke’n kih hi lo ka hi hiam?

Tedim Bible Revision 2017

²¹ Topa aw, nang hong mudah mite keʼn mudah hi lo ka hi hiam? Nangʼ langah hong pangte keʼn kih hi lo ka hi hiam?

Late 139:21 Referans Kwoze

Late 119:158

Thuman lo mite ka muh ciangin ka kih mahmah hi. Bang hang hiam cih leh amaute in nangma thupiakte zui lo uh hi.

Late 31:6

Mawkna milim a thupi ngaihsutte na mudah hi; ahih hangin keimah in Topa ka hong muang hi.

Mangmuhna 2:2

“Note’ nasepna, na gimna uh le lungduai takin na thuakna uh, le migilote koihmawk loin, sawltak hi lo napi-in sawltak hi ung, a ci mite dongtelin sawltak ahihlohna uh na muhkhiatnate uh ka thei hi.

2 KHANG TANGTHU NIHNATE 19:2

Ahih hangin amah a dawn dingin Hanani’ tapa, thumu pa Jehu hong paikhia a, Kumpi Jehoshafat kiangah, “Mi gilote huhin Topa a mudahte it ding na hi hiam? Hih thu hangin Topa’ hehna nang tungah hong tungzo hi.

Mangmuhna 2:6

Ahi zongin note ka hong pahtakna khat om a, tua in: Keima muhdah mah bangin Nikolas pawlte na mudah uh hi.

Late 26:5

Siatna a bawl mite ka mudah a, migilote tawh ka tukhawm kei hi.

Luka 19:41

Jerusalem khua hong nai semsem a, a khuapi a muh ciangin Jesuh in tamlawh a,

Marka 3:5

Jesuh in hehmai tawh a kiim a pam en kawikawi a, ahi zongin a khialhna uh le a thuphawk theih lohna uh hangin mite khasiathuai a sa zel hi. Tua ciangin a mipa kiangah, “Na khut zan in,” a ci hi. Amah in zong a khut zan a, damin a ngeina bangkik hi.

Jeremiah 13:17

Ahih hangin ka thu nong ngaih kei uhleh na kisaktheihna uh hangin ka kapsim ding a, khitui luangin nakpitakin ka kidik ding hi. Bang hang hiam cih leh Topa’ tuuhonte sal dingin kikaikhia zo hi.

Late 119:136

Mite in nangma thu zui lo uh ahih manin ka khitui hawk luanin a luang hi.

Late 15:4

migilote thusim lo a, ahi zongin Topa a zahtakte a pahtawi mi, ama natna ding nangawnah a ciampel lo mi,