Late 139:2 - Tedim Bible

² Nangmah in ka heksukna, ka hektohnate na thei hi. Nangmah in ka ngaihsutnate gamlapi pek panin na thei hi.

Tedim Bible Revision 2017

² Nangmah in ka hek sukna, ka hek tohnate na thei hi. Nangmah in ka ngaihsutnate gamlapi pek panin na thei hi.

Late 139:2 Referans Kwoze

Mattiu 9:4

Ahi zongin Jesuh in amaute’ ngaihsutna thei ahih manin, “Bang hangin a sialamin ngaihsun na hi uh hiam?

2 KUMPI NIHNATE 19:27

Ahih hangin keimah in na tutsukna le na pusuahna le na sungtumna, kei tungah na hehna ka thei khin hi.

Luka 9:47

Jesuh in amaute’ lungsim ngaihsutna a phawk ciangin naupang khat la-in a gei-ah omsak a,

Isaiah 37:28

“‘Na omna mun, na vaksuk na vaktohna le keima tungah na hehna ka thei hi.

Paunak 15:3

Topa’ mit in mun khempeuh mu a, misia, mipha, hong encik kim hi.

Zekhariah 4:10

A maa uh a telh loh manun ka mite lungkia uh a, ahi zongin Zerubbabel in biakinn lam nasep a makaihna a muh uh ciangin a lung uh damkik ding hi,” hong ci hi. Vantung mi in, “Meivak sagihte pen, leitung khempeuh a etna Topa’ mittang sagih ahi hi,” hong ci hi.

Late 56:8

Ka sin linnate khempeuh nangmah in na ciamteh khin hi. Ka khituite khempeuh na thawl sungah thun in. Tuate na laibu sungah kiciamteh hi lo ahi hiam?

2 KUMPI NIHNATE 6:12

Tua ciangin a nasemte khat in, “Kuamah om lo hi, ka topa, kumpipa aw; ahih hangin Israel sungah kamsang Elisha in na lupna inndei sunga na thugente Israel kumpipa tungah gen hi,” a ci hi.

Piancilna 16:13

Tua ahih ciangin ama tungah thu a gen Topa pen, “Nang, a mu thei Pasian khat na hi hi,” a ci hi. Bang hang hiam cih leh amah in, “Keimah in Pasian mu khin taktakin, amah ka muh khit ciangin hing lai hi lo ka hi hiam?” a ci hi.

1 KORIN MASA 4:5

Tua ahih manin a hun a tunma-in kuamah mawhsakin thu khen kei un. Topa hong pai ciangin a tawpna thukhenna hong om ding a, amah in thusimte hong pholakin, mihingte in a lungsim sung uhah a ipcip uh thute hong telkheh ding hi. Tua ciangin mi khempeuh in amau’ ngah dingin a kilawm phatna, Pasian’ kiang panin a ngah ciat ding uh hi.

Ezekiel 38:17

Ni khat ni ciangin Israel mite a sim dingin mi khat ka sawl ding hi, ci-in keima nasem Israel kamsangte tungtawnin, sawtpek lai-in ka gengen niloh mipa pen nang na hi hi. Hih thu Topa Pasian in gen khinzo hi.

Thu-hilhkikna 31:21

Siatna le haksatnate amaute tungah a tun ciangin hih la, teci-in amaute’ langkhatah pang ding hi (bang hang hiam cih leh a suanlekhakte un mangngilh lo ding uh hi); bang hang hiam cih leh piak dingin ka kiciam leitangah amaute ka paipih ma-in, amau’ vaihawm kholh a ngimnate uh ka thei hi,” a ci hi.

Late 44:22

Nangma hangin sunthapai-in kote hong kithat a, gan gote’ tuu gawh ding bangin kote hong kikoih hi.

Ezekiel 11:5

Ka sungah Topa’ kha hong lutin mite tungah hih bangin thugen dingin hong sawl hi: “Israel mite aw, na thugente uh le na ngaihsutnate khempeuh uh ka thei hi.