Late 136:1 - Tedim Bible

¹ Amah hoih ahih manin Topa tungah lungdamna ko un; bang hang hiam cih leh ama itna kip tawntung hi.

Tedim Bible Revision 2017

¹ Amah hoih ahih manin Topa tungah lungdamna ko un; bang hang hiam cih leh ama itna kip tawntung hi.

Late 136:1 Referans Kwoze

Late 118:1

Topa’ tungah lungdamna ko un. Bang hang hiam cih leh amah hoih a, ama itna kip tawntung hi.

1 KHANG TANGTHU MASATE 16:34

Amah hoih ahih manin Topa’ tungah lungdamna ko un; bang hang hiam cih leh ama itna kip a tawntungin a kho hi!

Late 106:1

Topa phat un. Topa’ tungah lungdam ko un; bang hang hiam cih leh amah hoih a, ama itna kip tawntung hi.

1 KHANG TANGTHU MASATE 16:41

Tuate’ banah amaute tawh Heman le Jeduthun zong om a, ama itna kip kho tawntung ahih manin Topa’ tungah lungdamna a ko dingin a kiteel, a minin a kilokhia midang omlai hi.

Late 107:1

“Topa tungah lungdam ko un; bang hang hiam cih leh amah hoih a, ama itna kip tawntung!”

2 KHANG TANGTHU NIHNATE 20:21

Amah in mite tawh thu kikupna a neih khit ciangin, galkapte mai-ah amaute a paikawmin, “Topa tungah lungdamna ko un; bang hang hiam cih leh ama itna kip tawntung hi,” ci-in biakna puan silhin Topa tungah la sa-in amah a phat dingte a seh hi.

Ezra 3:11

Tua ciangin amaute in Topa phatna le lungdamkohna a kidawngin sa uh a, “Topa hoih hi; bang hang hiam cih leh Israel-te hong itna kip tawntung hi,” a ci uh hi. Topa’ biakinn bulpi kiphut khin ahih manin mi khempeuh in nakpitakin Topa phat uh hi.

2 KHANG TANGTHU NIHNATE 7:3

Israel mite khempeuh in meikuang hong paisukin Topa’ minthanna vang biakinn tungah a om a muh uh ciangin suangphah tungah leilam maingatin kun uh a, Pasian bia-in Topa’ tungah lungdamna ko-in, “Topa’ tungah lungdam koh ding hoih hi; bang hang hiam cih leh ama itna kip tawntung hi,” a ci uh hi.

Luka 1:50

amah a zahtak mite tungah a khangkhangin hehpihna a lak hi.

Jeremiah 33:11

Ahih hangin lungdamna aw le kipahna awte, zinei thakte le mothakte’ awte kiza kik ding hi. Topa’ biakinn-ah mite hong pai-in lungdam kohna-in: ‘Vanglian Topa’ tungah lungdamna ko un. Bang hang hiam cih leh Topa hoih a, ama itna kip tawntung hi,’ ci-in a lasakna awte uh a kiza kik ding hi. Bang hang hiam cih leh Topa in kong cihin-ah, a masa-a mah bangin hih gam ka hausakkik ding hi.

2 KHANG TANGTHU NIHNATE 7:6

Siampite amau panmun uhah ding uh hi. Levi mite zong, Kumpi David in Topa tungah lungdam koh nadingin a bawl Topa’ tungah lasakna ding lasaknate tawh ding uh hi. Bang hang hiam cih leh ama itna kip tawntung hi. David in amau’ nasepna tawh phatnate a bawl ciangin tua bangin hih uh hi. Amaute tawh a kigalsai-ah siampite in peengkulte tum uh a, Israel mi khempeuh zong a ding uh hi.

Late 105:1

Topa tungah lungdamna ko-in, ama min phat unla, ama sepnate khempeuh mite lakah kitheisak un.

Late 119:68

Nangmah na hoih a, a hoih nate na sem hi. Na ngeina kipte kei hong hilh in.

Late 103:17

Ahih hangin Topa’ itna kip pen amah a zahtak mite tungah a tawntung pan a tawntung dongin kip ngitnget a, ama thumanna pen ama thuciamna zui-in a thupiak bangin sep ding a phawk mite tungah a khang khangin a kip tawntung hi.

Juda 1:21

I Topa Jesuh Khrih in a hong hehpihna tawh nuntak tawntungna hong piak ding na ngakkawmun Pasian’ itna sungah na kip un.

Late 100:5

Bang hang hiam cih leh Topa hoih hi. Ama itna kipin kho tawntung a, ama thumanna a khang khangin kip hi.