Late 128:3 - Tedim Bible

³ Nangma inn sungah na zi, a gah pha mahmah leenggui tawh kibang ding a, na sabuai kiimah a tu na tate, oliv no dawng hilhhelh tawh kibang ding uh hi.

Tedim Bible Revision 2017

³ Nangma inn sungah na zi, a gah pha mahmah leenggui tawh kibang dinga, na sabuai kiimah a tu na tate, oliv no dawng hilhhelh tawh kibang ding uh hi.

Late 128:3 Referans Kwoze

Ezekiel 19:10

Na nu uh, luitui gei-ah a kisuan leenggui tawh kibang hi. Tui tampi ngah a, a teh, a gah, a pha hi.

Late 52:8

Ahih hangin kei ka hih leh Pasian’ innsunga a om oliv kung a hing tawh ka kibang hi. Pasian’ itna kip ka muang ngitnget hi.

ROM (Romans) 11:24

Note pen na pianngei uh gamlak oliv kung panin hong kisatkhia-in note’ pianngei ahi lo a kiciing oliv kung tungah hong kipehthei ahihleh a kiciing oliv kung panin a kisatkhia tawh a kibang Jew mite pen Pasian in amau omna ngei-ah a pehkik ding olzaw mahmah lai ding hi.

Piancilna 49:22

“Josef, a gah pha hiang ahi hi. Ciktui gei-a om a gah pha hiang hi a, a hiangte kulh tungah zaam hi.

Jeremiah 11:16

Nidang lai-in Topa in note, a hing dikdek a gahpha oliv kung tawh kong genteh ngei hi. Ahih hangin kong hal ding a, na hiangte uh kangtumin ging huhu ding hi.

Late 144:12

Ka tapate uh a tangval lai-in khang cingin a khauh mahmah singkungte bang ta hen la, ka tanute uh a nungak lai-in kumpi inn lamna dinga a kisui innkiu khuampite bang tahen.

Late 127:5

A thallawng dimin tua bang thaltang a nei pa mi lungdam ahi hi. Amah guallel ngei lo ding a, zahhuai ngei lo ding hi.

1 KHANG TANGTHU MASATE 8:40

Ulam’ tapate a thahat galhangte, thal tawite, tapa tampi le tupa tampi a neite hi a, mi za le sawmnga pha uh hi. Hihte khempeuh Benjamin minamte ahi uh hi.

Late 127:3

En un, tate pen Topa’ tung pana letsong hi a, tapate pen ama hong piak thupha ahi hi.