Late 127:1 - Tedim Bible

¹ Topa in inn lampih kei leh innlamte’ sepna a mawkna ahi hi. Topa in khuapi hutpih kei leh khuapi cingte’ cinna a mawkna ahi hi.

Tedim Bible Revision 2017

¹ Topa in inn lam pih kei leh innlamteʼ sepna a mawkna ahi hi. Topa in khuapi hut pih kei leh khuapi cingteʼ cinna a mawkna ahi hi.

Late 127:1 Referans Kwoze

Paunak 16:9

Mihing in thu geel a, ahi zongin Topa’ deihna bangin kisemkhia hi.

1 KORIN MASA 3:7

Khaici vawh pa le tuibuak pa a thupi hi lo a, a khangsak Pasian a thupi hi bek hi.

Late 124:1

Israel mite aw, Topa in hong panpih lo hileh i tuah ding thu thei un.

Isaiah 62:6

Jerusalem aw, na kulhte tungah galvilte ka koih khin a, sun tawntung le zan tawntungin amaute gamdai ngei lo ding uh hi. Amaute in a thuciamna Topa phawksak ding uh a, amah in Jerusalem kipsakin leitung mite’ phat dingin a bawlkik matengin amaute khawl lo ding uh hi.

1 KHANG TANGTHU MASATE 28:10

Biakinn dingin inn khat a lam dingin Topa in nang hong teel khin ahih manin tu-in kingaihsun in; thahat inla sem in,” a ci hi.

Jeremiah 51:12

Babylon khuakulhpi tungah dial khai unla, galvil ding tampi koih un. Cingsak unla, galte a buksim dingin kithawi un. Bang hang hiam cih leh Babylon khua mite tawh kisai-in Topa in a gensa teng a geel khinzo a, a sem khinzo hi.

1 KHANG TANGTHU MASATE 28:20

Tua ciangin David in a tapa Solomon kiangah, “Thakhauhin hang inla sem in. Lau kei in; bang hang hiam cih leh Topa Pasian, keima Pasian nangawn nang tawh hong om hi. Topa’ biakinn sung nasepna khempeuh a kizawh matengin amah in nang hong tamasak lo ding a, hong nusia lo ding hi.

1 KORIN MASA 15:14

Khrih a kithokiksak lo hileh kote’ thuhilhna a mawkna hi ding a, note’ thu up zong a mawkna mah suak ding hi.

Late 121:1

Keimah in mualtung lam ka ento hi. Keimah huhna koi lai pan hong pai ding ahi hiam?

Late 123:1

Vantungah a om pa aw, nangmah kong ento hi.

Late 120:1

Ka cihmawh ciangin Topa’ tungah ka kiko a, amah in hong dawng hi.

Late 125:1

Topa a muang mite pen ling hetloin a om tawntung Zion Mual tawh kibang hi.

Late 78:69

A kip den dingin a phuhsa leitang bang leh, a vantung inn bangin ama biakinn a lam hi.

Isaiah 56:10

Amau’ galvilte a mit uh taw a, amaute khempeuh in bangmah thei lo uh hi. Amaute khempeuh ui ham thei lo inncing tawh kibang uh a, amaute in tawng thei lo uh hi. Mot paupau, lumlum, lususu in om ding bek nuam a sa uh hi.

Thuhilh-sia 9:11

Hih leitungah ka phawk dang thu khat in: A taihat mite in tai kidemna-ah zo tawntung lo a, galhang thahatte in gal zo tawntung lo hi. A pilte in an a kham ngah tawntung lo a, a pilte hau tawntung lo hi. Hih theih siamna a neite milian suak tawntung lo hi. Mi khempeuh tungah kamsiatna vive tung hi.

Late 126:1

Topa in Zion-ah eite hong ciahpih kik ciangin i mang tawh kibang liang hi.

Late 122:1

Amaute in kei tungah, “Topa’ inn-ah pai ni,” hong cih uh ciangin kei ka kipak hi.

Isaiah 27:3

Keimah,Topa, tua lo a hong pa ka hi a, a hunhunin tui ka buak hi. Khatpeuh in a suksiat loh nadingin sun le zanin ka hong ding hi.

1 KHANG TANGTHU MASATE 29:19

Amah in a lungsim khempeuh tawh na thupiaknate, na teci pannate, le na thukhamte kemin a vekpi-in sem a, keimah in ka vaihawmsa biakinn lianpi amah in a lam theih nadingin ka tapa Solomon tungah utna lungsim guan in,” a ci hi.

Galati 4:11

Tua ahih manin note a dingin ka nasepna khempeuh a mawkna a suahkhak ding ka hong lunghihmawhsak mahmah hi.

Solomon la 5:7

Khuasung a cing mite tawh ka kituak a, kei hong satin hong liamsak uh a, kulhzang a a kileh den khuacingte in ka puantungsilh hawkkhia uh hi.

Solomon la 3:3

Khuasung cingin a pai kawikawite ka tuak a, “Ka ngaihno na mu uh hiam?” ci-in ka dong hi.

Jeremiah 51:31

Babylon kumpipa kiangah thu a ko dingin a hong pai kamtaite a ciah leh a kuan kiphamat uh a, ‘Mun khempeuh panin galte in Babylon khua hong simin,

Late 72:1

Pasian aw, nangma thutang, kumpipa hilh inla, nangma thuman, kumpi tapa hilh in.

Thu-hilhkikna 8:18

Tuni-a mah bangin na pu na pate uh tungah a kiciamna a kipsak theih nadingin, na hauh nadingun vangliatna a hong piapa amah ahih manin Topa na Pasian uh na phawk ding uh hi.

Joshua 2:2

Jerikho kumpipa tungah, “Gam sung a en dingin Israel mi pawlkhat tu nitakin hih lai-ah hong tungzo hi,” ci-in kigen hi.

1 KUMPI MASATE 5:12

Ama tungah a ciam bangin Topa in Solomon tungah pilna pia hi. Solomon le Hiram kilem uh a, amau tegel in thuciamna khat a bawl uh hi.