Late 118:13 - Tedim Bible

¹³ Kei ka puk nadingin nakpitakin hong kisawn a, ahih hangin Topa in kei hong huh hi.

Tedim Bible Revision 2017

¹³ Kei ka puk nadingin nakpi takin hong kisawn a, ahih hangin Topa in kei hong huh hi.

Late 118:13 Referans Kwoze

Late 140:4

Topa aw, migilote’ khutsung panin kei hong cing inla, kei, sukpaih ding a hong sawm mi ngongtatte kiang panin kei hong kem in.

Late 86:17

Topa nangmah in kei hong huhin, nong thahatsakna hangin, kei hong mudahte in mu-in a zahhuai nadingun keima tungah na maipha hong lak in.

Micah 7:8

Ka galte aw, kei tungah lungdam kei un. Ka puk hangin ka thokik veve ding hi. Khuamial sungah ka om hangin Topa in khuavak hong pia ding hi.

1 SAMUEL MASA 25:29

Nangmah delhin hong that dingin mite hong kipat leh, nang pen Topa na Pasian’ kepna sung a hing mite lakah na om ding a, amah in suanglotna tawh lotkhiat bangin na galte lawnkhia ding hi.

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a sukgawp theih nadingin Jesuh in mihing pianzia mah hong nei phot hi.

1 SAMUEL MASA 20:3

Ahih hangin David in dawngin, “Nangma nong pahtaklam na pa in teltakin thei hi. Tua ahih manin amah in, ‘Amah dah kha ding ahih manin hih thu Jonathan theisak kei ning,’ ci-in ngaihsun hi. Ahih hangin a taktakin, Topa nungta-in nang na nuntak mah bangin kei ka sih nading themkhat bek in sam hi,” a ci hi.

Late 129:2

“Ka neu lai a kipanin nakpitakin amaute in kei hong gimsak uh a, ahih hangin amaute in kei hong zo nai lo uh hi.