Late 118:1 - Tedim Bible

¹ Topa’ tungah lungdamna ko un. Bang hang hiam cih leh amah hoih a, ama itna kip tawntung hi.

Tedim Bible Revision 2017

¹ Topa tungah lungdamna ko un. Bang hang hiam cih leh amah hoih a, ama itna kip tawntung hi.

Late 118:1 Referans Kwoze

1 KHANG TANGTHU MASATE 16:34

Amah hoih ahih manin Topa’ tungah lungdamna ko un; bang hang hiam cih leh ama itna kip a tawntungin a kho hi!

Late 107:1

“Topa tungah lungdam ko un; bang hang hiam cih leh amah hoih a, ama itna kip tawntung!”

Late 106:1

Topa phat un. Topa’ tungah lungdam ko un; bang hang hiam cih leh amah hoih a, ama itna kip tawntung hi.

Jeremiah 33:11

Ahih hangin lungdamna aw le kipahna awte, zinei thakte le mothakte’ awte kiza kik ding hi. Topa’ biakinn-ah mite hong pai-in lungdam kohna-in: ‘Vanglian Topa’ tungah lungdamna ko un. Bang hang hiam cih leh Topa hoih a, ama itna kip tawntung hi,’ ci-in a lasakna awte uh a kiza kik ding hi. Bang hang hiam cih leh Topa in kong cihin-ah, a masa-a mah bangin hih gam ka hausakkik ding hi.

Late 118:29

Topa tungah lungdamna ko un; bang hang hiam cih leh amah hoih a, ama itna kip tawntung hi.

1 KHANG TANGTHU MASATE 16:8

Topa’ tungah lungdamna ko-in, ama min lo unla, ama septe khempeuh mite’ lakah kitheisak un!

Late 136:1

Amah hoih ahih manin Topa tungah lungdamna ko un; bang hang hiam cih leh ama itna kip tawntung hi.

Late 103:17

Ahih hangin Topa’ itna kip pen amah a zahtak mite tungah a tawntung pan a tawntung dongin kip ngitnget a, ama thumanna pen ama thuciamna zui-in a thupiak bangin sep ding a phawk mite tungah a khang khangin a kip tawntung hi.

Late 100:5

Bang hang hiam cih leh Topa hoih hi. Ama itna kipin kho tawntung a, ama thumanna a khang khangin kip hi.