Late 112:4 - Tedim Bible

⁴ Lungsim thutangte a dingin khuamial sung panin khuavak hong taangkhia hi. Topa dik a, hehpihna nei-in, amah thuman hi.

Tedim Bible Revision 2017

⁴ Lungsim thutangte adingin khuamial sung panin khuavak hong taang khia hi. Topa dik a, hehpihna nei-in, amah thuman hi.

Late 112:4 Referans Kwoze

JOB (Job) 11:17

Tua ciangin na nuntakna, sun sangin taangzaw ding a, nuntak lungzin’ pen hun, sun sangin taangzaw ding hi.

Isaiah 58:10

gilkial mite an pia-in, kisapna a nei mite tungah a kisapnate na piak uhleh na kimkot uha khuamial pen khuavak hong suak ding a, na lungzinna uh nitaang hong bang ding hi.

Late 97:11

Thuman mite’ tungah khuavak hong taang a, lungsim thutang mite tungah lungdamna hong tung hi.

1 JOHAN MASA 3:7

Ka it tate aw, mite’ khemsa-in ta kei un. Khrih a thuman ahih mah bangin a manin a gamtate khempeuh a thuman ahi hi.

Luka 6:36

Tua ahih manin na Pa un hehpihna a neih bangin note in zong hehpihna lungsim nei ta un.

1 JOHAN MASA 2:29

Khrih, thuman hi, ci-in na theih uh mah bangin a manin a gamta mi khempeuh zong Pasian’ tate hi, ci-in na theih ding uh ahi hi.

Efesa 4:32

khatlekhat kihehpihin, lungsim nem tawh na kihozaw unla, Khrih’ hangin Pasian in note’ mawhna hong maisak mah bangin khatlekhat na mawhna uh na kimaisak ta un.

Late 106:1

Topa phat un. Topa’ tungah lungdam ko un; bang hang hiam cih leh amah hoih a, ama itna kip tawntung hi.

Efesa 5:9

Bang hang hiam cih leh khuavak sunga omna in a hoih, a man, a thutakte hong piangsak hi.

Johan 12:46

Kei hong um mi khempeuh, khuamial sungah a om nawn loh nadingun leitung khuavak bangin ka hong pai hi.

Late 37:6

Amah in nangma dikna khuavak bangin, nangma thumanna nitaang bangin hong langsak ding hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

1 JOHAN MASA 3:10

Hih pen Pasian tate le Dawimangpa’ tate a kilamdanna ahi hi. A manin gamta loin, a Khristian mipihte a it lo mi peuhmah, Pasian’ tate hi lo uh hi.

Efesa 5:15

Tua ahih ciangin hoihtakin kingaihsunin gamta unla, mihaite bang hi loin mipilte bangin gamta un.

Isaiah 50:10

Topa kihta a, a nasempa’ thu a mangte khempeuh khuamial sungah na pai hangun Topa muang unla, Pasian suanin nei un.

JOB (Job) 22:28

Na hih khempeuh na tangtun ding a, na maa hong vang ding hi.

JOB (Job) 29:3

Tua hun lai-in Pasian in kei hong ompih tawntung a, khuamial sungah ka pai laitakin khuavak hong pia hi.

Late 116:5

Topa dikin thuman a, i Pasian in hehpihna nei hi.

Late 145:17

Topa pen a sepna khempeuhah thutang a, a gamtatna khempeuhah hehpihna a nei hi.

Paunak 21:21

Thuman thutakin gamta tawntung lecin na khan sau-in pahtawina na ngah ding hi.

Isaiah 58:8

Tua ciangin ka maipha pen phalvaktung hong bang ding a, note’ tungah hong taangkhia ding hi. Manlang takin na liammate uh hong dam ding hi. Note hong ompih tawntungin note kong hon ding a, na nung na mai uhah ka hong dal ding hi.