Late 11:2 - Tedim Bible

² bang hang hiam cih leh, en in, migilote in khuamial sung panin lungsim thutangte a kap dingin a thalkhau uhah thaltang bulhin a thal uh a keek uh hi.

Tedim Bible Revision 2017

² bang hang hiam cih leh, en in, migilote in khuamial sung panin lungsim thutangte a kap dingin a thalkhau uh ah thaltang bulhin a thal uh a keek uh hi.

Late 11:2 Referans Kwoze

Jeremiah 9:3

A leii uh thalpeu bangin zang uh a, zuauthu bekbek a lawn khiakhia uh hi. Gam sungah thuman om loin zuauthu bekbek a dim hi. Siatna lam manawh tektek uh a, kei hong thei lo uh hi, Topa in a ci hi.

Late 37:14

Mizawngte le mi cimawhte a suniam ding, a thutangte a that dingin migilote in namsau dokin, a thal uh a keek hi.

Late 21:12

Bang hang hiam cih leh amaute na taisak ding a, na thal tawh a maitang uh na ngim ding hi.

Mattiu 26:4

kuama theih lohin Jesuh simmatin a thahtheih nading uh a vaihawm uh hi.

Late 142:3

Ka cih nading ka theih nawn loh ciangin, amah in ka mailam ding hong theihsak hi. Ka paina lampi-ah ka galte in tehlop khat tawh kei hong siah uh hi.

Late 125:4

Topa aw, a hoih mite tung le na thupiakna a zui mite tungah hehpihna hong nei in.

Late 97:11

Thuman mite’ tungah khuavak hong taang a, lungsim thutang mite tungah lungdamna hong tung hi.

Late 94:15

Bang hang hiam cih leh thutang pen thuman mite tungah hong tungkik ding a, lungsim thutang khempeuh in amah zui ding uh hi.

Late 64:10

Topa’ nasepna hangin midikte lungdam ding uh a, amah a bel ding uh hi. Lungsim thutangte khempeuh in amah a phat ding uh hi.

Late 32:11

Thumante aw, Topa tungah lungdamin kipak un. Lungsim man mi khempeuh aw, lungdamin awng un!

Late 10:2

Migilote in kiphatsakna tawh mizawngte uuk delh uh hi. Amau ngaihsut vaihawmna mahah amaute awksak in.

Late 7:12

Mite a kibawlphat kik kei leh, Pasian in a thalkhau sui zo a, a namsau taat ding hi.

Late 7:10

Pasian, kei hong hupa hi a, lungsim man mite a hon hi.

1 SAMUEL MASA 23:9

Saul in ama tungah a sia a sawmna David in thei hi. Amah in a siampi Abiathar kiangah, “Hih lai-ah siampipuan hong paipih in,” a ci hi.

1 SAMUEL MASA 18:21

Saul in, “Ama a dingin ka tanu pen thangzak ahih theih nading le Filistia-te’ khut sungah a sihtheih nadingin ama tungah ka tanu pia ning,” ci-in ngaihsun hi. Tua ahih ciangin Saul in David kiangah a nih veina genin, “Nang pen tu-in ka makpa na hi ding hi,” a ci hi.