Late 11:1 - Tedim Bible

¹ Ke’n Topa ka bel hi. Bang hangin ka tungah, “Vasa leeng bangin mualtungah tai in;

Tedim Bible Revision 2017

¹ Keʼn Topa ka bel hi. Bang hangin ka tungah, “Vasa leeng bangin mual tungah tai in;

Late 11:1 Referans Kwoze

Late 56:11

lunghihmawhna khat zong nei hetloin Pasian ka muang hi. Mihing lellelte in kei, bang hong cihzo ding ahi uh hiam?

Late 25:2

Ka Pasian aw, nangmah ka hong muang hi. Hong zahhuaisak kei in. Keima tungah ka galte gualzo-in lungdamsak kei in.

1 SAMUEL MASA 23:14

Zif gamlak mualtung gam sung, gamlak munmuanhuaina-ah David om hi. Saul in nisimin amah zong a, ahih hangin Pasian in ama tungah David pia lo hi.

Luka 13:31

Tuahun laitakin Farisi mi pawlkhat hong pai-in Jesuh kiangah, “Herod in nang thah hong sawm ahih manin hih lai panin mun dang khatah paikhia in,” a ci uh hi.

Paunak 6:5

Sabeng pa’ kiang panin a suahtak nadingin sakhi a tai bangin, thangah a awk vasa a kitom bangin na suahtak nadingin hanciam in.

Late 16:1

Pasian aw, nang hong bel ka hih manin keimah hong kem in.

2 KHANG TANGTHU NIHNATE 16:8

Ethiopia mite le Libya mite pen leeng tampi tak le sakol tung tuang tampi tak tawh a om galkap tampi hi lo ahi hiam? Ahi zongin Topa suang na hih manin amah in na khut sungah amaute hong pia hi.

Late 31:14

Ahih hangin nang kong muang hi, Topa aw. Keima Pasian na hi hi.

Late 9:10

Topa aw, nang a hong zongte nusia lo na hih manin, na min a theite in nang hong muang uh hi.

Late 7:1

Topa ka Pasian aw, nangmah ka hong bel hi. Kei hong delhte’ kiang panin hong dal inla hong hon in.

2 KHANG TANGTHU NIHNATE 14:11

Tua ciangin Topa Pasian’ tungah Asa kiko a, “Topa aw, a thahat le a zawngkhal a kidona-ah a huh dingin nang tawh a kibang kuamah dang om lo hi. Kote hong huh in, Topa kote’ Pasian aw; bang hang hiam cih leh nang kong suang uh a, nangma minin hih mihonpi a do dingin kong pai uh hi. Topa aw, nang, kote’ Pasian na hi hi; mite kizosak kei in,” a ci hi.

1 SAMUEL MASA 20:38

Tua ciangin Jonathan in naupang samin, “Manlang in; hong kinawh in; tua lai-ah om kei in,” a ci hi. Tua ahih ciangin Jonathan’ naupang pa in a thaltangte khawmin a topa kiangah a paipih hi.

1 SAMUEL MASA 27:1

David in a lungsim sungah, “Saul’ khut tawh ni khat ni ciangin ka si theikha ding hi. Kei a dingin Filistia-te’ gamah tai ding sangin a hoihzaw dang om lo hi. Tua hileh Saul in Israel gamgi huam sungah kei hong zon niloh lungkia ta ding a, ama khutsung panin ka suakta ding hi,” a ci hi.

1 SAMUEL MASA 22:3

Tua lai mun panin Moab gam Mizpah-ah David a pai hi. Amah in Moab kumpipa kiangah, “Pasian in kei a dingin hong sepsak ding ka theih matengin ka nu le ka pa na kiangah hong omsak in, ci-in kong thum hi,” a ci hi.

1 SAMUEL MASA 19:11

A zingsang ciangin amah a thahtheih nadingin tua zanin Saul in amah a vil dingin David’ inn-ah mi sawl hi. Ahih hangin David’ zi Mikhal in ama kiangah, “Tuzanin na nuntakna na suahtak kei leh, zing ciangin nang hong kithat ding hi,” a ci hi.

Nehemiah 6:11

Ahih hangin keimah in, “Mi kei bangte tai ding ahi hiam? Mi kei bangte a suahtak nadingin biakinn sungah bu ding ahi hiam? Ka pai peuhmah kei ding hi,” ka ci hi.

Late 7:2

Kei hong hon kei lecin a hong hon ding dang kuamah om lo ahih manin amaute in humpinelkai bangin hong kaikhia-in hong balgawp ding uh hi.

Jeremiah 48:14

Note in bang hangin, ‘Galhangte ka hi uh a, galsim hatte ka hi uh hi,’ ci thei na hi uh hiam?