Late 102:13 - Tedim Bible

¹³ Nangmah tho-in Zion khua na hehpih ding hi. Amah na angvan hun ding hita a, a kiciangtansa hun hong tung khin hi.

Tedim Bible Revision 2017

¹³ Nangmah tho-in Zion khua na hehpih ding hi. Amah na angvan hun ding hi ta a, a kiciangtan sa hun hong tung khin hi.

Late 102:13 Referans Kwoze

Galati 4:4

Ahi zongin a hun a cin ciangin eite khempeuh Pasian’ tate i suahtheih nadingin Thukham nuai-ah a om mite a hong tankhia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

Isaiah 60:1

Jerusalem khuapi aw, tho-in sun nitaang bang in! Topa’ minthanna in nangmah hong taanzo hi.

Isaiah 40:2

Dam takin Jerusalem mite hopih un. Amau’ gimna hun beita a, amau’ mawhna kimaisakin, amau’ khialhnate hangin Topa in a kicingin gim pia khinzo ta hi, ci-in amau tungah gen un.

Late 44:26

Tho to in, kote a hong huh dingin hong pai in! Na itna kip hangin kote hong honkhia in!

2 PETER NIHNA 3:8

Ahi zongin ka itte aw, na mangngilh loh ding uh ka deih thu in: Topa a dingin ni khat le kum khat, kum tulkhat le ni khat a kilamdan’ luatna om lo hi.

Sawltak 1:7

Jesuh in, “Ka Pa in ama thu tawh a sehsa hun le nite, cik ciangin hong tung ding cih thu note’ theih ding thu hi lo hi.

2 PETER NIHNA 3:12

vantungte mei in kangtumin, vantung nate sa lua-in a tuimang ding hun Pasian’ Ni hong tunbaih theih nadingin na hihtheih zahun hanciam unla, na ngak un.

Late 7:6

Tho in, Topa, a hehsa-in thasaan inla, ka galte’ hehna panin kei hong dal in. Khanglo in, ka Pasian aw, thukhenna ding hun khat na seh khinzo hi.

Daniel 12:9

Amah in, “Daniel aw, tu-in ciah in; bang hang hiam cih leh hih thute pen beina hun a tun mateng selcipin ipcip ding ahi hi.

Jeremiah 31:23

Vanglian Topa, Israel mite’ Pasian in hong genin-ah: “Keimah in amaute a gam uhah ka omsakkik ciangin, Judah gam le a khuapite uhah amaute in, ‘Thuman thutak a tenna mual siangtho aw, Topa in thupha hong pia ta hen,’ ci-in a genkik leuleu ding uh hi.

Isaiah 14:32

Filistia mite in a hong sawl kamtaite mi khatpeuh in bangci dawn ding ahi hiam? “Topa in Zion kipsak khin a, gimna a thuak ama mite in tua sungah bukna mu uh hi,” ci-in a dawng ding uh hi.

Late 75:2

A hun ka sehsa ni ciangin thu a manin ka khen ding hi.

Late 51:18

Na lungkimna pha tawh Zion tungah a pha bawl inla, Jerusalem kulhpite ciangkik ta in.

Paikhiatna 3:15

Pasian in Moses kiangah, “Hih thu Israel mite tungah gen in: ‘Topa, na pate uh’ Pasian, Abraham’ Pasian, Isaac’ Pasian, le Jakob’ Pasian in note kiangah kei hong sawl hi,’ ci in. Hih pen keima min hi tawntung ahih manin kei pen khang tawntungin phawk ding ka hi hi.

Late 90:2

Mual liante a kipiansak ma, leitang le leitung na bawl ma pek, a tawntung a kipan a tawntung dongin Pasian na hi hi.

Late 92:9

Topa aw, na galte si ta ding! Bang hang hiam cih leh na galte beimang ding a, siatna a bawl khempeuhte kithehthang ding uh hi.

Late 135:13

Topa aw, nangma min kip tawntung hi. Topa aw, na minthanna khang tawntungin a kip hi.