Late 102:12 - Tedim Bible

¹² Ahih hangin Topa aw, nang na kip ngitnget a, khang tawntungin nang hong kiphawkna kip hi.

Tedim Bible Revision 2017

¹² Ahih hangin Topa aw, nang na kip ngitnget a, khang tawntungin nang hong kiphawkna kip hi.

Late 102:12 Referans Kwoze

Late 135:13

Topa aw, nangma min kip tawntung hi. Topa aw, na minthanna khang tawntungin a kip hi.

Kah la 5:19

Ahih hangin Topa aw, nang na hih leh a tawntungin kumpi na hi a, hun tawp dongin na uk paisuak ding hi.

Paikhiatna 3:15

Pasian in Moses kiangah, “Hih thu Israel mite tungah gen in: ‘Topa, na pate uh’ Pasian, Abraham’ Pasian, Isaac’ Pasian, le Jakob’ Pasian in note kiangah kei hong sawl hi,’ ci in. Hih pen keima min hi tawntung ahih manin kei pen khang tawntungin phawk ding ka hi hi.

Hebru 13:8

Jesuh Khrih pen zani, tuni, a tawntungin kibang ngitnget hi.

Late 9:7

Topa ahihleh kumpi za-ah tu ngitnget a, thukhen nadingin a tokhom a bawl hi.

Isaiah 44:6

Topa, Israel Kumpipa le amah Tan pa, Vanglian Topa in hih bangin gen a, “Kei pen a masa pen le a nunung pen ka hi hi. Kei simloh pasian dang om lo hi.

Isaiah 60:15

Hong kinusia, hong kimudah, kuama hong nawk loh nang pen a tawntungin lianin, khang khat pan khang khat lungdamna ahi dingin ka hong bawl ding hi.

Thu-hilhkikna 33:27

Tawntung Pasian pen nangma omna hi a, nangmah huh dingin tawntung khutte a om hi. Amah in na mai-ah galte nawtkhia-in, ‘Susia un,’ ci hi.

JOB (Job) 8:9

Eite pen zan mah mi ihi a, bangmah i thei kei hi. Leitung a i nuntakna pen niliim bang lel ahi hi.

JOB (Job) 14:2

Amaute paak bangin khangin keu pak uh a, niliim bangin pai hanhanin, mangthang uh hi.

Late 90:6

Zingsangin palhin thaksuak kik a, nitak ciangin vulin a keu uh hi.

Late 109:23

Nitak a niliim bangin kei ka bei a, kauphe bangin kei hong kisingkhia hi.