Late 101:5 - Tedim Bible

⁵ A vengte a gensia sim mite ka susia ding a, kiphatsakna, kihihsakna lungsim a nei mi ka thuak kei ding hi.

Tedim Bible Revision 2017

⁵ A veengte a gen sia sim mite ka susia dinga, kiphatsakna, kihihsakna lungsim a nei mi ka thuak kei ding hi.

Late 101:5 Referans Kwoze

Late 18:27

Bang hang hiam cih leh mi niamte na honkhia a, ahih hangin mi kiphasakte na niamsak hi.

Late 15:3

mi gensia loin, a lawmte tungah siatna bawl lo a, a vengte a mawhsak lo mi,

Paunak 30:13

Mihoih pha mahmahin a kingaihsun, a kiliansak mahmah mi pawlkhat om hi.

Late 50:20

Na sanggamte uh langpangin thu na gen uh a, amaute’ mawhna na zong uh hi.

Titu 2:3

Tua mah bangin mite in Pasian’ thu a gensiatkhak loh nadingun numei khanghamte zong a gamtat a khuahek uh a zahtakhuai ahih nading, mi gensiate ahih loh nading, zunek kiphamawhte ahih loh nading, thuhoih thupha hilhin,

1 KORIN MASA 5:11

Tua ka hong laigelhna sungah ka cihnopna pen, thu upna sungah unau khat hi hang, ci napi-in numei tawh a paktat, a huaiham, milim a bia, mi gensia, zukham, ahih kei leh a guta theite tawh kikhawl kei un, cihnopna ahi hi. Tua bang mite tawh an ne ding nangawnin zong na tukhawm kei un.

Luka 18:14

Ke’n kong cihin-ah, hih mipa pen Pasian tawh a kilemsa-in a inn-ah ciah a, a khat pa pen tua bangin ciah lo hi. Bang hang hiam cih leh a kiliansakte pen kiniamkhiatsuk ding a, a kiniamkhiatte pen a lianin kibawl ding hi,” a ci hi.

Daniel 4:37

Tu-in keimah Nebukhadnezzar in Vantung Kumpipa phatin, zahtakin a min ka thangsak hi. Ama bawlna khempeuh a man hi. Amah a tawntungin thuman a, a kiphasakin a gamtate a neusak hi,” a ci hi.

Paunak 20:19

Mi a gensia kawikawite in thu im thei lo hi. Tua banga mi haipaute tawh kikhawl kei in.

Ezekiel 22:9

Mi pawlkhatte in midangte a sih theih nadingin zuauthu phuak uh hi. Mi pawlkhat in milim biakna sa ne uh hi. Pawlkhatte amau’ lanna tawh kizui-in gamta tawntung hi.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniamkhiat ding hi. Tua ni ciangin Topa bek a lianin kikoih ding hi.

Paunak 25:23

Leilu lam huih in guah a zuksak bangin gensiatna in hehna piangsak hi.

Paunak 10:18

Mi a mudahte bek in zuauthu gen a, mi a gensiate mihai ahi hi.

Late 138:6

Bang hang hiam cih leh Topa lian mahmah napi-in amah in a neute don a, a kiphasakte ahihleh amah in gamlapi panin mu thei veve hi.

1 SAMUEL MASA 2:3

Tua bangin kiphatsakna tawh pau nawn kei inla, na kamsung pan kihihsakna gingkhiasak kei in. Bang hang hiam cih leh Topa pen a thei Pasian hi a, amah in gamtatnate a tawi khai hi.

Siampi Laibu 19:16

Note in na mipihte lak uhah mi gensia-in vaksuk vakto loin, na vengpa uh a sih nadingin na langpang kei ding uh hi; kei pen Topa ka hi hi.

Paikhiatna 23:1

“Thuman lo na genkhia kei ding uh hi. Elna tawh teci pang dingin migilo pa tawh na kipawl kei ding uh hi.

Paikhiatna 20:16

“Na vengte uh langkhatah a man loin teci na pang kei ding uh hi.

1 TIMOTI MASA 3:11

A zite uh zong a gamtat hoih mi hi-in, mi gensiat a hat lote hi ding uh a, lungsim citak, thu khempeuhah a thuman mi hi ding uh hi.

Paunak 21:4

Kihisakin gamtatna le kiphatsakna lungsimte pen mawhna hi a, migilo hihna lim ahi hi.