Late 101:3 - Tedim Bible

³ A sia na peuhmah ka deih kei ding hi. Lamkhial mite’ nasepna ka mudah a, tuate tawh ka kisukha kei ding hi.

Tedim Bible Revision 2017

³ A sia na peuhmah ka deih kei ding hi. Lam khial miteʼ nasepna ka mudah a, tuate tawh ka kisu kha kei ding hi.

Late 101:3 Referans Kwoze

Late 119:37

Bangmahin a kimang lo nate, kei hong kinsak kei inla, nangma thu omsa bangin hong nungtasak in.

JOB (Job) 31:1

“Lunggulhna tawh nungak khatpeuh ka et ngei loh nading, kiciamna ka bawlkhin hi.

Paunak 6:25

Amau’ melhoihna iplahkha kei inla, amau’ hong zawlmitna khenglahkha kei in.

Mattiu 5:28

Ahi zongin ke’n kong genin-ah: Mawhpih nopna lungsim tawh numei khat a en mi peuhmah in a lungsimah tua numei tawh a mawh ahi hi.

Late 40:4

Topa a muang a, mi kiphasakte lamah a kihei lo, pasian man lote lamah a pialkhia lo mi thupha ngah ahi hi.

Paikhiatna 20:17

“Na vengte uh inn na deihgawh kei ding uh hi. Na vengte uh zi hitaleh, ama nasempa hitaleh, ama nasemnu hitaleh, ama bawngtal hitaleh, ama la hitaleh, na vengte a’ ahi na khat peuhpeuh na deihgawh kei ding uh hi,” a ci hi.

Thu-hilhkikna 15:9

Na lungsim uhah ngaihsutna hoih lo omin, ‘Kum sagihna, maisakna kum hong nai hi,’ ci-in na sanggampa galmi et-in amah bangmah na piak loh uh ciangin na langkhatah Topa’ tungah amah kiko-in, no tungah khialhna a suahkhak ding kingaihsun un.

2 PETER NIHNA 2:21

Tua bang mite in amaute tungah a kipia thu siangthote thei-in a nusiat kik sangun thuman lampi a thei ngei het lo uh hileh amau a dingin hoihzaw thampek ding hi.

Galati 4:9

Ahi zongin note in tu-in Pasian meltheih khinin, tua ahih kei leh Pasian in note hong meltheih khinta ahih manin, a bang hangin bangmah a hih zo lo, a ginalo tua bangte lamah kiheikik nuam a, sila va suakkik nuam na hi uh hiam?

ROM (Romans) 12:9

Na ki-itnate uh lungsim takpi tawh hi sak unla, a siate mudahin a hoihte lenkip un.

Jeremiah 22:17

Ahih hangin note in thuman lo tawh ngahna ding ahi zongin, mimawh lote’ sisan luanna ding ahi zongin, mi nuaisiahna le ngongtatna ding ahi zongin, na mitte uh le na lungsim uh na zang uh hi.

Thuhilh-sia 6:9

Na dangdang deihthuah ngitngetna sangin i neihsa teng tawh lungkimna hoihzaw hi. Hih zong a mawknapi, huihpi nungdelh mah tawh a kibang bek ahi hi.

Joshua 23:6

Tua ahih ciangin note lakah a omlai hih minamte tawh kihel loin, amau’ pasian-te’ thu zong gen loin, tuate tawh zong kiciam loin, amau’ na sem loin, amaute’ mai-ah zong note kun loin, ahih hangin tuni-a na gamtat bangun Topa na Pasian uh na belh theih nadingun Moses’ thukham laibu sunga kigelhte khempeuh zui-in semin, themkhat zong pial loin na omna dingun khauhtakin om un.

Hebru 10:39

Eite pen nungkikin a maimang mite ihi kei a, upna nei-in hotkhiatna a ngah mite ihi hi.

Late 119:113

Nangma tungah a thuman lote ka mudah a, ahih hangin keimah in nangma thu ka deih hi.

Late 78:41

Amaute in amah ze-et kikkik uh a, Israel-te’ Siangtho Pasian a phin uh hi.

Late 14:3

Amaute khempeuh a vekpi-un pukkhin uh hi. A kibangin sia kim uh a, a hoihin a gamta khat zong om lo hi.

Paikhiatna 32:8

Ka thupiakna lampi panin amaute kiheikhia pak uh hi. Amau a dingin amaute in a kisung bawngno khat bawlin, tua bia-in a tungah biakna pia uh a, ‘Israel mite aw, hih pen Egypt leitang panin note hong paikhiatpih to na pasian uh ahi hi!’ ci uh hi,” a ci hi.

Micah 2:2

Lo deih le-uh, mi-a’ sut uh a, inn deih le-uh, mi-a’ mah sut uh hi. Mite bawlsia-in, a inn le a neihsa uh a sut uh hi.

Isaiah 33:15

Thumanin gamta-in thutang na gen uhleh na suakta ding uh hi. Na vangliatna uh mizawngte khemna-in zang kei unla, sumgolh deih kei un. Mi thah ding le siatna gamtat ding a vaihawmte tawh kipawl kei un.

Isaiah 30:11

Lampi nusia-in, lamzin panin pial unla, Israel-te’ Siangtho Pa’ thu hong zasak kei un,” a ci uh hi.

Late 39:1

“Ka leii tawh ka khialhloh nadingin ka gamtatna ka kikem ding a, ka omna-ah migilote a omlaiteng ka kam ka kham ding hi,” ka ci hi.

Late 125:5

Ahih hangin amau’ gitlohna a zuite pen siatna a bawlte gim na piak ciangin amaute tawh piakhawm in. Israel tungah nopna om ta hen!

Late 97:10

Topa in gitlohna a mudahte it a, amah in a mi siangthote’ nuntakna siatna ding pan a kem hi. Amah in migilote’ khutsung panin amaute a honkhia hi.

Late 78:57

a pu a pate uh mah bangin kiheikhia-in a zuau gamtat uh hi. Thal ginalo bangin amaute a kihuiheek uh hi.

Late 36:3

Ama kammalte pen siatna le khemna vive hi a, pil gamtatna le hoih gamtatna bei khinta hi.

1 SAMUEL MASA 15:11

“Kumpi-in Saul ka koih ka kisik hi. Bang hang hiam cih leh amah pen keimah zuihna panin kihei kik a, ka thupiaknate sem lo hi,” a ci hi. Tua ciangin Samuel heh hi; zan tawntung Topa’ tungah kiko hi.

Thu-hilhkikna 13:17

Tuni-a kong gen ama thupiaknate khempeuh zui-in Topa na Pasian uh mai-ah a manin gamtatna tawh Topa na Pasian uh’ aw na ngaih uhleh, na pu na pate uh tungah a ciamsa bangin, a kihtakhuai ama hehna panin Topa kihei-in note tungah migitna hong lakin, note tungah hehpihna hong nei-in, note tampi tak hong phaksak theih nadingin a ki-apsa na khat beek zong note a dingin na kem kei ding uh hi.

1 JOHAN MASA 2:19

Khrih’ gal ahi hih mite pen ei’ pawl hi ngei napi-in hong taisan uh hi. Ei’ pawl taktak hileh eite tawh omkhawm paisuak ding uh ahih manin, tu-in amaute paikhia uh ahih ciangin ei’ pawl taktak ahihlohna uh hong kilang hi.

Late 41:9

Ka muan, ka lawm it pa, keima an a ne pa nangawn in a khetul tawh kei hong peek vial hi.

Late 139:22

Amaute ka mudah mahmah a, amaute ka galin ka seh hi.

Paunak 6:12

Miginalo pa, a gilo pa, thuzuau genin vak kawikawi a,

Paunak 6:13

nang hong khemnop manin a mitheek hong pia-in, a khe tawh hong su-in a khut tawh hong khoih hi.

Paunak 8:13

Topa zahtakna pen thusia muhdahna hi a, kiphatsakna le kihihsakna, gamtatsia le thuzuau ka mudah hi.

Zekhariah 8:17

Khatlekhat kisiatsakna ding vaihawm kei unla, a man lopi-in teci pangin kiciam kei un. Zuauna, thuman lohna, le kibawlsiatnate ka deih kei hi,” hong ci hi.