Late 100:3 - Tedim Bible

³ Topa, Pasian ahihna thei un. Eite hong bawlpa amah hi a, eite ama a’ ihi hi. Eite ama mi ihi a, ama gankhahna sunga om a tuute ihi hi.

Tedim Bible Revision 2017

³ Topa, Pasian ahihna thei un. Eite hong bawlpa amah hi a, eite ama aʼ ihi hi. Eite ama mi ihi a, ama gankhahna sunga om a tuute ihi hi.

Late 100:3 Referans Kwoze

Late 46:10

“Om hithiat unla, Pasian ka hihna thei un. Minamte lakah keimah hong kisangsak a, leitung khempeuhah ka min hong kithangsak hi,” a ci hi.

Late 119:73

Nangmah in kei hong piangsakin na hong bawl hi. Na thupiaknate ka sin theih nadingin thu theihtelna hong pia in.

Efesa 2:10

Eite a hong bawlpa pen Pasian hi a, Jesuh Khrih tawh i kipawl ciangin i nuntakna-ah gamtat hoih a nei dingin a hong bawl ihi hi. Hih pen eite’ omzia dingin a na ngaihsut kholhsa ahi hi.

Johan 17:3

Nang bek a man Pasian na hihna thu le nangmah in na hong sawl Jesuh Khrih hong theihna pen amaute a dingin nuntak tawntung ngah nading lampi ahi hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.

1 PETER MASA 4:19

Tua ahih ciangin Pasian’ deihna bangin gimna a thuak mite gamtat hoihin, a kamciam a tangtungsak tawntung hong Piangsak pa muangin ama khut sungah a ki-ap ding uh ahi hi.

Late 149:2

Amah a Bawlpa tungah Israel lungdam hen la, amau’ Kumpipa’ tungah Zion mite kipak tahen.

Thu-hilhkikna 4:39

Tua ahih ciangin tunga om vantung hitaleh nuai-a om leitung hitaleh ah Topa pen Pasian ahihna thu tuni-in thei unla, na lungsim uhah ciamteh un; kuamah dang om lo hi.

Thu-hilhkikna 4:35

Topa Pasian hi, ci-in na theih nadingun note’ tungah hih thu hong kilak hi a, amah simloh kuamah dang om lo hi.

1 PETER MASA 2:25

Note, tuu bangin a gammang na hi uh a, ahi zongin note’ kha nuntakna hong Cingin hong Kem pa a zui dingin a hong kiciahpih kik khin na hi uh hi.

Late 79:13

Tua ciangin nangma mi, nangma gam sung tuu kote in nangma tungah lungdamna kong lak ngitnget ding uh a, a khang khangin nangmah phatnate ka gengen ding uh hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuh’ maitang a taangsak Pasian’ vangliatna thu theih nading khuavak ka ngahtheih nadingun kote lungsim sungah khuavak hong taangsak hi.

Late 78:52

Tua ciangin amah in tua bangin ama mite gamlakah paikhiatpihin, ganhing honpi bangin amaute a paipih hi.

Ezekiel 34:11

“Topa Pasian keimah in note kiangah kong genin-ah: Kei mahmah in ka tuute zongin ka kem ding hi.

Jeremiah 10:10

Ahih hangin Topa pen Pasian man hi a, amah pen a nungta Pasian le tawntung kumpipa ahi hi. A heh ciangin lei kiling a, gamte in a hehna nang zo lo hi.

Isaiah 63:19

Kote pen nangmah in cikmahin na uk ngei loh mite, nangma mi ahi ngei lo mite tawh a kibang ka suakkhin uh hi.

Isaiah 63:11

Tua ciangin amaute in hun lui lai, ama nasem Moses’ hun a phawk uh hi. Ama mi a makaite honkhia-in, tuipi sung panin a paikhiatpih Topa koi-ah omta ahi hiam? Amaute’ tungah ama kha a piapa,

2 KUMPI NIHNATE 19:19

Tua ahih ciangin tu-in, Topa kote’ Pasian aw, leitung kumpi gam khempeuh in nang, nang bek Pasian na hihna a theih nadingun ama khutsung panin kote hong honkhia in, kong thum hi, Topa aw,” a ci hi.

Thu-hilhkikna 7:9

Tua ahih ciangin Topa na Pasian uh amah bek ahi Pasian hi a, amah itin a thupiakna a zuite tungah khang tulkhat dongin thuciamna le itna kip lenin a thuman Pasian,

1 PETER MASA 2:9

Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasian’ mite na hi uh a, khuamial sung panin a lamdang mahmah ama khuavak sungah a hong samkhia pa’ nasepna a lamdangte a genkhia dingin Pasian in a hong teel mite na hi uh hi.

Thuhilh-sia 12:1

Na lungkham hun ding a hong tun ma, “Nuntak nuamsa kei ing,” na cih ma hun, na khangno lai-in nang hong Piangsak pa phawk in.

Late 95:3

Bang hang hiam cih leh Topa, a lian Pasian hi a, pasian khempeuh tungah Kumpi lianpa ahi hi.

JOB (Job) 10:3

Na khut tawh na sepsate simmawh bawlin, migilote’ vai panpihin, hih bangin nong netniamna ah bang phattuamna ngah na hi hiam?

Paikhiatna 6:7

Keima mi dingin note kong la ding a, kei pen note’ Pasian ka hi ding hi. Egypt mite’ sila hihna panin note a hong paikhiatpih pa, Topa na Pasian uh ka hihna note in na thei ding uh hi.

Thu-hilhkikna 32:6

A hai, ngaihsutna nei lo mite aw, tua bangin Topa thuk ding na hi uh hiam? Amah pen, note a hong piangsak, note hong bawlin a hong kipsak, na pa uh hi lo ahi hiam?

Thu-hilhkikna 32:15

“Israel mite thau mahmah uh a, a lehdo thei mi suak uh hi. Note thau-in lianpi pha-in, na zol uh hi. Tua ciangin amaute a bawl Pasian amaute in nusia-in, amau a Honkhia pa thusim lo uh hi.

1 KHANG TANGTHU MASATE 16:14

Amah, eite’ Topa Pasian hi a, ama thupiaknate leitung khempeuh a’ ding ahi hi.

Isaiah 64:7

Tua ahih ciangin nangmah a hong pom dingin a hanciam tawm, nangma min a lo kuamah om lo hi. Bang hang hiam cih leh kote kiang panin nang in na maitang na seel a, mawhna khut sungah kote na hong pia hi.