Late 10:9 - Tedim Bible

⁹ humpinelkai in a kuahawm sung pan a buk bangin amah in buksimin, mizawngte a man dingin buk a, a ngenthang sungah mizawngte kai-in a man hi.

Tedim Bible Revision 2017

⁹ humpinelkai in a kuahawm sung pan a buk bangin amah in buksimin, mizawngte a man dingin buk a, a ngenthang sungah mizawngte kai-in a man hi.

Late 10:9 Referans Kwoze

Late 17:12

Amaute pen a balnen nuam humpinelkai tawh kibang uh a, humpinelkai khanglai sabuk tawh kibang uh hi.

Late 59:3

Bang hang hiam cih leh amaute in kei hong pangsim uh a, a kihtakhuai mite keimah hong langpangin kikaikhawm uh hi. Topa aw, keima thupalsatna hang hi lo,

Micah 7:2

Leitungah mihoihteng bei khinta a, Pasian’ tungah a thuman mi kuamah om nawn lo hi. Mihoihteng si khinta hi. Mi khempeuh in mi thah ding bek ngaihsun uh a, a kuamah peuh in a mipihte thah ding bek hanciam uh hi.

Late 35:10

Ka lungsim khempeuh tawh, “Topa aw, ama a dingin a hatluate kiang panin a thahat lo mi a honkhia, a bawlsiate’ kiang panin mizawngte a honkhia, nang tawh a kibang kua om ahi hiam?” ka ci ding hi.

Johan 10:12

Tuu nei taktak ahi lo, a kicialtawm tuucingpa in ngia khawng a muh ciangin a tuute nusia-in taisan ahih manin ngia in tuute man a, tuute a kithehthang gawp hi.

Zekhariah 11:3

Tuucingte a minthanna uh bei khinta ahih manin dahin a kap uh hi. A tuulak inn uh kisusia khin ahih manin humpinelkaite’ hawkna za un.

Habakkuk 3:14

Mi cimawhte, mun simthamah a sukgawp bangin, kote a hong suthang dingin huihpi bangin hong pai laitakin na thal tawh a galkap mangpa na kaplet hi.

Amos 3:4

A samat ding mu lopi-in, gamlakah humpinelkai mawk hawk ahi hiam? Samat nei lopi-in, a kua sungah humpinelkai khanglai mawk hawk ahi hiam?

Ezekiel 22:29

Mi cithei a kineite in mi khemin a na sut uh hi. Mizawng mi cimawhte bawlsia-in, pemtate tungah nuamtak sa-in khualna mel nei loin a ututun gamta uh hi.

Kah la 3:10

Amah in vompi bangin kei hong buksim a, humpinelkai bangin a hong bawh hi.

Isaiah 32:7

Mi ginalo’ ginat lohna siahuai mahmah hi. Zuauna kam tawh mizawngte a siasak ding le mi cimawhte’ thu a thuman ciang nangawnin a siasak dingin amah in gitloh nasepna a bawl hi.

Isaiah 3:15

Ka mite sucipin mizawngte na gawina uh bang na cihnopna uh a hiam?” Vanglian Topa Pasian in ci hi.

Paunak 28:15

Mizawngte a uk migilo pa pen humpinelkai gilkial le vompi halungvei tawh kibang hi.

Paunak 22:16

Hauhnop manin mihaute letsong pia leeng kizawnlawh a, hauhnop manin mizawngte’ neihsa laksak lehang zong kihauhlawh tuan lo hi.

Paunak 14:31

Mizawngte bawlsiatna pen a piangsak Pasian simmawhna hi a, mizawngte tungah citna pen Pasian zahtakna ahi hi.

Late 140:5

Mi kiphasakte in keimah hong siahna-in tehlop tung sim uh a, amaute in ngenthang zakin lam gei-ah thangzak tawh kei hong siah uh hi.

Late 12:5

Topa in, “Mizawngte a neihsa kihawkkhia a, mi cimawhte thumin tau uh ahih ciangin tu-in dingin, amau’ lunggulh, lungmuanna munah amaute ka koih ding hi,” a ci hi.

Sawltak 23:21

Ahi zongin lamkalah Paul a pangsim dingin mihing sawmli val bang om uh ahih manin amaute’ hong ngetna pia kei in. Tua mihing sawmlite in Paul a thahkhit mateng uh anletui a nekloh nadingun kiciamna khat bawlkhin uh hi. Amaute a kithawisa-in om uh a, nangma thupiak ding bek a ngak uh ahi hi,” a ci hi.

Habakkuk 1:15

Amaute in ngasa mat bangin sikkawi tawh mite man uh a, a ngen uh tawh khuhin manin a ngenpi uh tawh kaikhia a, tua bangin a matna hangun lungdamin a awng uh hi.

Jeremiah 5:26

“Ka mite’ lakah migilote kihel uh a, vasa thangsiah bangin mite thangsiahin a man uh hi.

Late 37:14

Mizawngte le mi cimawhte a suniam ding, a thutangte a that dingin migilote in namsau dokin, a thal uh a keek hi.

Late 109:31

Bang hang hiam cih leh sih nading gimna a piapa’ khutsung pan a honkhia dingin mi cimawh pa’ taklamah amah hong ding hi.