Late 10:7 - Tedim Bible

⁷ Ama kampaute pen hamsia, khemna, le netniamna tawh kidim a, siatna le man lohna bekbek thugenin a nei tawntung hi.

Tedim Bible Revision 2017

⁷ Ama kampaute pen hamsia, khemna le netniamna tawh kidim a, siatna le man lohna bekbek thugenin a nei tawntung hi.

Late 10:7 Referans Kwoze

Late 7:14

Migilo in thusia paii a, suak nuamin na a, zuauthu a hingkhia hi.

JOB (Job) 20:12

“Ama kam sungah gitlohna lim sa mahmahin, namtui mahmah sa-in, a leii tawh lop melmel a,

Late 144:11

A gilo galte kiang panin kei hong hon inla, a kam uh tawh zuauthu a gen limtakin kiciamna a bawl khit ciang nangawnin zuau a gen lai veve gamdang mite’ khutsung pan kei hong honkhia in.

Late 140:9

Kei hong umcih mite gualzosak kei inla, kei hong sawmnate uh amau’ lu tung mah tusak in!

Late 140:3

A leii uh gulpi leii bang a, a thugente uh gulgu bang hi.

Late 73:8

Amaute in mi thusim loin el pau uh a, kiliatsakna tawh a sucip dingin mi a tawng uh hi.

Late 64:3

namsau taat bangin a leii uh a taatte, thaltang bangin thu hoih lo a ngimte,

Late 59:12

Amau’ kama a mawhna a muk uh tawh a pauna hangin, amau’ kiphatsakna-ah amau mah awksak in. Amaute in hamsiatna zangin zuauthu a genna hangun,

Late 52:4

Mi a khem thei pa aw, a siasak thei kammal khempeuh deih belin na nei hi.

Late 36:3

Ama kammalte pen siatna le khemna vive hi a, pil gamtatna le hoih gamtatna bei khinta hi.

Mattiu 12:34

Gul bangin ngian a zang note aw, migilo na hih uh ciangin bangci-in thuhoih genthei mah ding na hi uh hiam? Bang hang hiam cih leh lungsim sunga thu om pen kam in a genkhia hi bek hi.

Jeremiah 9:6

Siatna khat khit siatna khat, a banbanin gamta uh a, zuau zong a phuakphuak uh hi. Kei hong thei nuam lo uh hi, Topa in a ci hi.

Jeremiah 9:3

A leii uh thalpeu bangin zang uh a, zuauthu bekbek a lawn khiakhia uh hi. Gam sungah thuman om loin zuauthu bekbek a dim hi. Siatna lam manawh tektek uh a, kei hong thei lo uh hi, Topa in a ci hi.

Isaiah 59:4

Kuamah in thutang tawh thu na nei kei uh a, thuman tak tawh thukhen zumah na pai kei uh hi. Note in bangmah lopi suanin nei-in zuauthu na gen uh a, siatna ding thu ngaihsunin buaina na piangsak uh hi.

Paunak 30:8

Zuauna le khemna ka zat loh nadingin hong huh inla, a haulua lo, a zawnglua loin hong bawl inla, ka khamkhop zah lian bek an hong pia in.

Paunak 21:6

Zuaugenna tawh hauhnate beimang pak a, sihna khuk sung hong tunpih hi.

Late 144:8

A kam uh tawh zuauthu a gente le limtakin kiciamna a bawl khit ciang nangawnin zuauthu mah a gen lai vevete’ kiang pan kei hong phel inla, hong honkhia ta in.

Late 62:4

Amah a zaliatna panin sukniam ding bekbek amaute in a sawm uh hi. Amaute in thuman lo-ah nuamsa mahmah uh hi. Amaute in a kampi uh tawh phat khem uh a, ahih hangin a sungtawng uhah samsiat uh hi.

Late 58:3

Migilote a khan tawnun khial uh hi. A suah tung mahun lam khial pah uh a, zuauthu gen uh hi.

Late 55:21

Ama kampau, thawhbat sangin nelzaw a, ahi zongin a lung sungah muhdahna om hi. A kammalte sathau sangin nipzaw a, ahi zongin tuate pen namsau hiam mahmah tawh kibang hi.

Late 41:6

Keimah a en dingin mi hong pai ciangin, kam mawkna a pau uh hi. A lungsim uhah siatna kaikhawm uh a, a paikhiat uh ciangin a genthang uh hi.

Late 12:2

Mi kim in a vengte kiangah zuauthu gen ciat a, phat khemna kam zol le lungsim nam nih tawh thu a gen uh hi.

Late 5:9

Bang hang hiam cih leh amau sungah thuman om lo hi. Amau lungsimah siatna bek ngaihsun uh a, amau’ gawlgui pen a kihongsa hankhuk tawh kibang hi. A kam uh tawh mawk phat uh hi.

JOB (Job) 15:35

Mihingte in siatna ding bek ngaihsunin sem uh a, mi khem ding bekbek ngaihsun niloh uh hi,” a ci hi.

Late 50:19

“Na kam uh, siatna na uksak uh a, na leii un khemna a khangsak hi.

Late 59:13

hehna tawh amaute beisak in. Amaute khempeuh a beisiang dongin sumai in. Tua hileh Pasian in Israel-te tungah leimong dongin a uk khitna thu mi khempeuh in thei ding uh hi.

Amos 8:4

Mi cimawhte tuancil gawpin, gam sung mizawngte a susiagawp mite aw, hih thu ngai un: