Late 10:5 - Tedim Bible

⁵ A hihna khempeuhah a maa pai ngitnget hi. Na thukhennate khempeuh ama muhna in a batzawh lohin sang mahmah a, a galte khempeuh ahihleh amah in nehpiksan lel hi.

Tedim Bible Revision 2017

⁵ Ahihna khempeuh ah a maa pai ngitnget hi. Na thukhennate khempeuh ama muhna in a bat zawh lohin sang mahmah a, a galte khempeuh ahihleh amah in nehpik san lel hi.

Late 10:5 Referans Kwoze

Isaiah 26:11

Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute a dingin na geelsa gimnate amaute thuaksak in. Na mite na itna thu na galte tungah kilangsak in.

Late 12:5

Topa in, “Mizawngte a neihsa kihawkkhia a, mi cimawhte thumin tau uh ahih ciangin tu-in dingin, amau’ lunggulh, lungmuanna munah amaute ka koih ding hi,” a ci hi.

ROM (Romans) 3:16

a paina khempeuh uhah lungkhamna a piangsak uh hi.

Hosea 14:9

Mipil, thu ngaihsun theite in hih thute theitelin limtakin ciamteh tahen. Topa’ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Hosea 9:9

A gamtatna uh gentheih lohin siahuai uh a, Gibeah khua-a a gamtat ngeite uh tawh kibang hi. Pasian in amau’ mawhnate thei-in gim a pia ding hi.

Isaiah 42:25

Tua ahih ciangin amah in ama hehna so leh galkidonate eite tungah hong tungsak hi. Israel mi khempeuh lakah ama hehna mei bangin hong kuang a, ahih hangin eite in bangmah i thei kei hi. Tua bang i thuakna hangin eite in bangmah i phawk thei tuan kei hi.

Isaiah 28:15

“Eite in sihna tawh thuciamna khat i bawl khin a, Leinuai tawh thukimna khat i neizo hi. A tuumcip ding tuiciin hong tun ciangin eite hong ban lo ding hi; bang hang hiam cih leh zuauthu i bel a, zuauna-ah i bu hi,” na ci uh hi.

Isaiah 10:1

A cimawhte’ thutang kimlai hei khiatsakin, keima mite sungah a zawngte’ thuman sutkhia-in, meigong numeite’ neihsa amau a’ ding a suahtheihna ding le pa nei lote’ neihsa amau’ nek dingin a bawl theih nadingun a man lo thukhensatna pia a, nenniamna thu a gelhte in gimna ngah ta uh hen!

Isaiah 5:12

Amaute in a pawi sung uhah laiza lasakna le harp lasakna, khuang, tamngai, le leenggahzu, tampi a nei uh hi. Ahih hangin amaute in Topa’ sepnate don lo uh a, a khut tawh a bawlte zong mu lo uh hi.

Paunak 24:1

Migilote eng kei inla, amaute tawh kikhawl kei in.

Paunak 15:24

Mipilte in nuntakna lampi zuito uh a, sihna lampi zuisuk lo uh hi.

Paunak 2:15

mi lungsim kawi, muan theih loh ding mite panin nang hong kem ding hi.

Paunak 2:13

nuntakna manin a nungta lo, mawhna khuamial sungah a gamta,

Paunak 1:19

Zawhthawh thu tawh mi’ na a sutte in sihlawh tawntung zaw a, hih bangin a gamtate in tua bangmah tuak ngitnget hi.

1 KUMPI MASATE 20:13

Tua ciangin Israel kumpi Ahab kiang nai-ah kamsang khat hong pai-in, “Topa in hih bangin ci hi: Hih mihon tampi khempeuh na mu hiam? En in, tuni-in nangma khut sungah kong pia ding hi. Tua ciangin keimah, Topa ka hihna na thei ding hi, ci hi,” a ci hi.

2 SAMUEL NIHNA 5:6

Tua ciangin kumpipa le a mite tua gam a teng Jebus mite a sim dingin Jerusalem-ah pai uh a, amaute in David kiangah, “Kote nong zo vet kei ding hi; mittaw le khebaite nangawn in nang hong notkhiazo ding uh hi,” a ci uh hi. “Hih lai-ah David hong paizo peuhmah lo ding hi,” ci-in ngaihsun uh hi.

Thukhente 9:38

Tua ciangin Zebul in ama kiangah, “Tu-in na kamhanna koi-ah om ahi hiam? ‘Ama na i sep dingin Abimelek kua ahi hiam?’ a ci pa hi lo na hi hiam? Hih mite, na simmawhte hi lo ahi hiam? Tu-in paikhia inla amaute tawh kido in,” a ci hi.

Thukhente 9:27

Amaute lo-ah kuanin a leenggui uh panin leenggah khawmin cil uh a, pawi khamin amaute’ pasian’ inn-ah pai uh a, an ne tui dawnin omin Abimelek zahko uh hi.

Piancilna 6:12

Pasian in leitung en a, a kisiagawp mu hi. Bang hang hiam cih leh leitungah mi khempeuh a sia-in a gamta lo kuamah om lo hi.

JOB (Job) 24:23

Pasian in a lungnuamin amah nungtasak a, ahi zongin Pasian in amah encik tawntung hi.

Late 73:3

Bang hang hiam cih leh migilote’ daupaina ka muh ciangin mi kihisakte ka eng hi.