Late 10:4 - Tedim Bible

⁴ Migilo in kiphatsakna lungsim nei a, Topa zong lo hi. Ama ngaihsutna khempeuhah, “Pasian om kei,” a ci hi.

Tedim Bible Revision 2017

⁴ Migilo in kiphatsakna lungsim nei a, Topa zong lo hi. Ama ngaihsutna khempeuh ah, “Pasian om kei,” a ci hi.

Late 10:4 Referans Kwoze

ROM (Romans) 1:28

Mite in a man ahi Pasian’ thu ngaihsutin nei nuam lo uh ahih manin amaute’ ngaihsut hoih lo bangin a gamtat theih nadingun Pasian in a khahkhia hi. Tua ahih manin a gamtat dingun a kilawm lopipi-in a gamta uh hi.

Sawltak 8:22

Tua ahih manin na ngaihsut hoih lohna panin kisikkik inla, hih bang na ngaihsutna thu-ah na mawhna hong maisak theih nadingin Topa kiangah thu ngen in.

Piancilna 6:5

Leitungah mihing a gitlohna a liatna le mihing lungsim ngaihsutna peuhmah a sia ahih ngitngetna thu Topa in mu hi.

ROM (Romans) 1:21

Amaute in Pasian thei napi-in a zahtak dingun a kilawm bangin zahtak loin, a tungah a lungdam dingun a kilawm bangin lungdam lo uh hi. Amaute in thuhoih ngaihsun nuam lo uh a, a ngaihsutnate uh a mawknapi a suak hi.

Isaiah 65:2

A hoih loin gamta-in, amau’ deih bang a zui teitei mite,

Late 53:1

Mihai in a lungsim sungah, “Pasian om lo hi,” ci-in ngaihsun hi. Amaute sia uh hi. A kihhuai-in gamta uh a, a hoihin a gamta kuamah om lo hi.

JOB (Job) 22:17

Hih mite pen Pasian a nial, Pasian in bangmah a cih thei lo dingin a ki-um mite ahi uh hi.

Thu-hilhkikna 8:14

na lungsim uh lianin, salsuahna Egypt gam panin note a hong paikhiatpih,

Paikhiatna 5:2

Ahih hangin Faro in, “Ama thu mangin Israel mite ka paisakna dingin Topa na cih uh kua ahi hiam? Topa na cih uh ka thei kei hi. Tua tham loin Israel-te ka paisak kei ding hi,” a ci hi.

Efesa 2:12

Tuahun lai-in Khrih tawh na kikhen uh a, Pasian’ teel Israel minamte hi loin a pualam mite na hi uh hi. Pasian in ama mite tungah piak dingin a ciam thute zong a ngah dingte na hi kei uh a, Pasian a nei lo, lamet ding bangmah nei loin leitungah a om na hi uh hi.

Marka 7:21

Bang hang hiam cih leh mihingte’ lungsim sung panin nungak-tangval mawhnopna, guktakna, mi thahna, zilepasal neisate tawh mawhnopna,

Zefaniah 2:3

Kiniamkhiatin, Topa’ thupiakna a mang Judah gammi khempeuh aw, Topa’ kiang zuan un. A manin gamta unla, kiniamkhiat un. Tua hileh Topa’ hehna hong kilat ciangin, tua hehna hangin gimna panin na peng khathei ding uh hi.

Jeremiah 4:14

Jerusalem khua aw, nang hong kihotkhiat nadingin na lungsim sung panin gitlohna sawpkhia in. Na sungah gitlohna lungsim bang tanvei kemcip ding na hi hiam?

Jeremiah 2:31

No Israel mite aw, Topa’ kammal limtakin ngai dih un. Israel-te a dingin gamlak tawh kibang ngei ka hi hiam? A mial mahmah gam tawh kibang ngei ka hi hiam? Tua ahihleh bang hangin ka mite in, ‘Ko ka suakta uh hi; nang kiangah kong pai nawn kei ding uh hi,’ ci uh ahi hiam?

Isaiah 59:7

Siatna bekbek na geelgeel uh a, na sepkhiat ding uh na ngaklah mahmah uh hi. Mawhnei lo mite thah ding haksa na sa kei uh hi. Na paina khempeuh uhah siatna vive om kawikawi hi.

Isaiah 3:9

Amau’ maiput in amau’ langah teci pang hi. Sodom bangin amaute a langtangin gamta uh a, amaute in im lo uh hi. Amaute in gimna ngah ta hen! Bang hang hiam cih leh amaute in amau’ tung mahah siatna kitun uh hi.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniamkhiat ding hi. Tua ni ciangin Topa bek a lianin kikoih ding hi.

Paunak 30:13

Mihoih pha mahmahin a kingaihsun, a kiliansak mahmah mi pawlkhat om hi.

Paunak 30:9

Haulua leng nang hong nialin, “Topa i cih kua ahi hiam?” kong ci kha ding a, zawnglua leuleu leng mi’ na guksakin ka Pasian’ min kong daisak khazel ding hi.

Paunak 21:4

Kihisakin gamtatna le kiphatsakna lungsimte pen mawhna hi a, migilo hihna lim ahi hi.

Paunak 6:17

kihihsakna, zuauthu genna, mawhnei lo mi thahna,

Late 101:5

A vengte a gensia sim mite ka susia ding a, kiphatsakna, kihihsakna lungsim a nei mi ka thuak kei ding hi.

Late 36:1

Mawhna in migilo pa’ lungsim tawngah thu gen a, amah in Pasian zahtakna nei het lo hi.

Late 27:8

“Ka mai hong zong in,” na hong ci khinzo hi. Keimah in nangma tungah, “Topa aw, nangma mai kong zong hi,” ka hong ci hi.

Late 18:27

Bang hang hiam cih leh mi niamte na honkhia a, ahih hangin mi kiphasakte na niamsak hi.

Late 73:11

Amaute in, “Pasian in bangci theih ding ahi hiam? Sangpenpa in phawk ding ahi hiam?” ci uh hi.

Thuhilh-sia 8:11

A mawhte gim kipia pahpah lo ahih manin mihingte in khialh ding haksa sa lo uh hi.

Zefaniah 1:12

“Tua laitakin Jerusalem khuasung meivak tawh ka zong ding a, thuphawk loin, a ngeina bangun omcip a, ‘Topa in a pha hitaleh a sia hitaleh bangmah bawl ngei lo hi,’ a ci mite, gim ka pia ding hi.