Late 1:3 - Tedim Bible

³ Amah pen lui tuiluang gei-a a kisuan ama gah hunin gah a, a teh a vul ngei lo singkung tawh kibang hi. Ama hihna khempeuhah a maa pai mahmah hi.

Tedim Bible Revision 2017

³ Amah pen luitui luang gei-a a kisuan, ama gah hunin gah a, a teh a vul ngei lo, singkung tawh kibang hi. Ama hihna khempeuh ah a maa pai mahmah hi.

Late 1:3 Referans Kwoze

Jeremiah 17:8

Amah, gun gei-a a kisuan singkung bang hi a, lui gei-ah a zung a kha hi. A tehte hing den ahih manin nisa kihta lo hi. Tatsat loin gah den ahih manin guah zuk loh kum ciangin zong lungkham tuan lo hi.

Ezekiel 47:12

Hih gun pang tuakah a gah nek dingin singkung nam khempeuh po ding hi. A tehte pulh ngei lo ding a, a gah tawh zong kilawi ngei lo ding hi. Biakinn panin a luangkhia tui ngah ding uh ahih manin khasimin a gah thak gah tawntung ding uh hi. A singgahte an ding hi ding a, a tehte zatui-in kizang ding hi,” hong ci hi.

Late 92:14

Topa thutang hi, ci-in a lah nadingun amaute teek napi-in gah lailai uh a, amaute tui kiuhkeuhin hing sitset uh hi. Amah pen kei hong hupa hi a, ama sungah thuman lohna om lo hi.

Johan 15:6

Kei tawh a kizom lo mite pen leenggui hiang bangin kipaai khia-in keutum hi. Tua bang hiangte meikhuk sungah kilawnin a kangtum hi.

Ezekiel 19:10

Na nu uh, luitui gei-ah a kisuan leenggui tawh kibang hi. Tui tampi ngah a, a teh, a gah, a pha hi.

Piancilna 39:23

Topa in amah ompih ahih manin Josef’ etna sunga om peuhmah thong kem pa in don lo hi. Ama hih peuhmah Topa in daupaisak hi.

Mangmuhna 22:2

khuapi sung lampi laizangah a luang hi. Tua gun pang tuakah nuntakna singkung po a, kha simin gah ahih manin kum khat sungin sawm le nih vei a gah hi. A tehte zong natna dam nading zatui-in kizang hi.

Ezekiel 17:8

Ahi zongin tua leenggui pen, a teh no-in, a gah gah thei-in leenggui lianpi a suah theih nadingin limtakin tui a ngah theihna mun leihoihna sungah a kisuan khinsa ahi hi.

Mattiu 13:6

Ahi zongin ni hong sat ciangin ankungte in zung thuk kha zo lo uh ahih manin tua ankungnote vulin a keu hi.

2 KHANG TANGTHU NIHNATE 31:21

Amah in Pasian’ biakinn sung nasepna le thukham le thupiaknate tawh kizui-in a hihna-ah ama Pasian zongin, a lungsim khempeuh tawh sem a, a maa a vang hi.

Piancilna 39:3

Topa in amah a ompihna le Topa in ama khut sungah a hih khempeuh a mavansakna a topa in mu hi.

Late 128:2

Na khut tawh na sep thaman na ne ding a, na lungdamin na maavang ding hi.

Isaiah 3:10

Amaute tungah thu hoih ding hi, ci-in thuman mite kiangah hih thu gen un. Bang hang hiam cih leh amaute in amau’ gamtat hoih thaman ngah ding uh hi.

Isaiah 44:4

Amaute pen tui sung panin a pokhia, luitui luang gei-ah a om, gialhek kungte bangin pokhia ding uh hi.

JOB (Job) 14:9

guahtui ngahin, singkungno-in hong selkik hi.

Mattiu 21:34

Leenggah min hun a tun ciangin ama ngah ding teng a va la dingin lo khawhlawhte kiangah a nasemte a paisak hi.

Mattiu 21:19

Lam gei-ah theikung khat mu ahih manin a gei-ah va pai a, ahi zongin a teh simloh bangmah a mu kei hi. Jesuh in tua theikung kiangah, “Gah ngei nawn kei in!” a cih khit phetin a theikung a sipah hi.

Juda 1:12

Note’ annek khopna-ah zumna mel nei loin hong omgawp uh ahih manin hong siatsuah uh a, amau’ pumpi bek ngaihsun uh hi. Amaute pen cikmahin guah a zusak ngei lo, huih in a letkhiatmang meiipi, tuk hun laitak nangawnin a gah a gah lo, kizunglotin a keutum singkungte,

Isaiah 27:11

A hiangte a keu ciangin kitan hi. Nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsak pa in amaute tungah maipha lak lo ding hi.

Mattiu 21:41

Amaute in, “Tua migilote thatgawp ding a, a hun hunin leenggah a pia ding lo khawhlawh dangte khosak ding hi,” a ci uh hi.

1 KHANG TANGTHU MASATE 22:11

Tu-in ka ta aw, amah in nangma thu a gensa bangin Topa na Pasian’ biakinn na lamna-ah na tangtun theih nadingin Topa in nang hong ompih tahen.

2 KHANG TANGTHU NIHNATE 32:23

Tua ciangin mi tampi in Jerusalem khua Topa kiangah letsongte hong puakin, Judah kumpi Hezekiah kiangah na manphate hong puak uh a, tua hun a kipanin minam khempeuh’ muhna-ah amah kisangtawi hi.

Gamlak-vakna 24:6

Saupi a kiphah kuamte tawh kibang a, gun gei-a om huante tawh kibang hi. Topa in a suan aloes paknamtui kungte tawh kibang a, tuipi gei-a om taamtak kungte tawh kibang hi.

Thu-hilhkikna 28:8

“Topa in note’ ansal tung le na hihna khempeuh uhah thupha hong puak ding hi. Topa na Pasian un note hong piakna leitangah amah in note tungah thupha hong pia ding hi.

2 KUMPI NIHNATE 18:7

Tua ahih ciangin Topa in amah ompih a, a sepna khempeuhah maavang hi. Amah in Assiria kumpipa lehdo-in ama na sem lo hi.

1 KHANG TANGTHU MASATE 22:13

Tua ciangin Israel-te a dingin Topa in Moses a piak thukhamte le biakna ngeina kipte zuih ding na kidop nakleh na maavang ding hi. Thakhauh inla hang in. Lau kei inla lungkia kei in.

JOB (Job) 22:28

Na hih khempeuh na tangtun ding a, na maa hong vang ding hi.

Isaiah 58:11

Tua ciangin note lam kong lak tawntung ding a, na hoihte tawh kong lungkimsak ding hi. A cidam a thahatin kong omsak ding hi. Tui tampi a ngah tawntung huan, a kang ngei lo ciktui tawh na kibang ding uh hi.

Ezekiel 31:5

Limtakin tui ngah ahih manin singkung dang khempeuh sangin a sangzaw hi. A hiangte golin sau mahmah hi.