Late 1:2 - Tedim Bible

² Ama nopsakna pen Topa thu sung bek mah hi a, sun le zanin ama thu a ngaihsunsun mi ahi hi.

Tedim Bible Revision 2017

² Ama nopsakna pen Topa thu sung bek mah hi a, sun le zanin ama thu a ngaih sunsun mi ahi hi.

Late 1:2 Referans Kwoze

Joshua 1:8

Hih thukham laibu na mangngilh ngei kei ding hi. A sunga kigelh thute khempeuh tawh kizui-in na gamtat theih nadingin sunlezanin na lungngaingai ding hi. Tua hileh na maa vang ding a, na nasep tangtung ding hi.

Late 119:92

Nangma thu, nuam a sa lo hileng, ka gimthuakna-ah ka kisia khinzo ta ding hi.

Late 119:11

Nangma tungah kong khialh loh nadingin ka lungsim sungah nangma thu ka khol hi.

ROM (Romans) 7:22

Ka lungsim tawng taktakah Pasian’ thukham hoih ka sa hi.

Jeremiah 15:16

Na thute in kei hong kem a, an bangin ka ne hi. Na thute kei a dingin kipahna le lungdamna ahi hi. Bang hang hiam cih leh nangma minin kei hong kilo hi, aw, Topa, Vanglian Pasian aw.

Late 119:35

Nangma thupiakna lampi-ah kei hong paipih in. Bang hang hiam cih leh tua-ah nuam ka sa hi.

Late 112:1

Topa phat un. Topa zahtakin a thupiaknate nuam a sa mahmah mi, thupha ngah mi ahi hi.

Late 104:34

Topa in hong lungdamsak ahih manin ka lasaknate in zong amah lungdamsak tahen.

Late 40:8

Nangma deih bang hihna-ah nuam ka sa hi, ka Pasian aw. Nangma thukham ka lung sungah om hi,” ka ci hi.

Late 119:1

Amau’ gamtatna-ah paubaan om loin Topa’ ngeina sungah a gamtate thupha ngah ahi hi.

1 JOHAN MASA 5:3

Pasian i it ciangin ama thupiakte a zui ihi hi. Eite a dingin ama thupiakte zuih ding a haksa lua hi lo hi.

JOB (Job) 23:12

Pasian’ thupiakna bangin ka gamta ngitnget a, keima utna zui loin ama deihna ka zui hi.

1 TIMOTI MASA 4:15

Mi khempeuh in na khantohna hong muhtheih nadingin hih thute limtakin ngaihsun inla, hahkatin na sem in.

Late 119:72

Nangma kam sung pana thu pen kham le ngun tul tampite sangin kei a dingin hoihzaw hi.

Luka 2:37

kum sawmgiat le kum li sung meigongin a om ahi hi. Amah pen biakna a nusia ngei lo mi khat hi a, a sun a zanin Pasian bia-in an tangin thu a ngenngen mi khat ahi hi.

2 TIMOTI NIHNA 1:3

A sun a zanin ka thungetna-ah nang ka hong phawk tawntung a, ka pu ka pate’ sep mah bangin kisuanna lungsim om hetloin a na ka sep Pasian tungah ka lungdamna ka ko hi.

1 THESALONIKA MASA 2:9

Sanggamte aw, ka nasep ka silbawlnate khempeuh uh note in na thei uh hi. Pasian kiang panin a hong pai Lungdamna Thu note kiangah ka hong hilhna hangun note in themkhat beek na gimlawhkhak loh nadingun a sun a zanin nakpitakin na ka sem uh hi.

Luka 18:7

A sun a zanin ama tungah a thumthum ama mite’ thu a manin Pasian in khensak lo ding ahi hiam? Amaute a huh ding kizekaisak ding ahi hiam?

Late 88:1

Topa, ka Pasian aw, sunin huhna kong ngen a, zan hun sungin nangma mai-ah kong kiko hi.

Piancilna 24:63

Isaac, thu a lungngaingai dingin nitakin gamlakah a paikhia hi. Amah a khuadak le kalaohte hong pai a mu hi.

Ezra 7:10

Bang hang hiam cih leh Ezra in Topa’ thukham sinin zuih ding, le Israel mite a hilh dingin amah kipia hi.