Late 1:1 - Tedim Bible

¹ Mi nuamsa i cihte pen migilote’ thu a zui lo mi, mimawhte’ gamtat bangin a gamta lo mi, mi a thusim lote tawh a kipawl lo mi ahi hi.

Tedim Bible Revision 2017

¹ Mi nuamsa i cihte pen migiloteʼ thu a zui lo mi, mimawhteʼ gamtat bangin a gamta lo mi, mi a thusim lote tawh a kipawl lo mi ahi hi.

Late 1:1 Referans Kwoze

Paunak 13:20

Mipil tawh kikhawl lecin na pil ding a, mihai tawh kikhawl lecin gimna na thuak ding hi.

Jeremiah 15:17

Mi gualnuam mawkmawkte tawh ka kikhawl kei a, zong ka lungdam khawm kei hi. Nangma thu kong manna hangin kei tangkai ka hih manin a hehin ka omden hi.

Luka 11:28

Ahi zongin Jesuh in, “Pasian’ thu za-in a zuite hamphazaw lai hi,” ci-in a dawng hi.

Late 1:6

bang hang hiam cih leh Topa in midikte lam lakin hu tawntung a, migilote ahihleh sia maimang ding uh hi.

Paunak 1:15

Ka ta aw, tua bang mite tawh kikhawl kei inla, amaute kiang panin kihemkhia in.

Late 34:8

Topa tawh kikhawl phot unla, ama hoihna thei un! Amah a beel mite mi lungdam ahi uh hi.

Late 112:1

Topa phat un. Topa zahtakin a thupiaknate nuam a sa mahmah mi, thupha ngah mi ahi hi.

Late 36:4

A lupna tungah lumin siat gamtat ding a ngaihsun hi. Hoih lohna lamah amah kibulhtawm a, amah in siatna nolh lo hi.

JOB (Job) 21:16

Amau’ thahatna hang bek tawh a gina kisa uh a, amau’ ngaihsutna le kei’ ngaihsutna kigamla hi.

Efesa 6:13

Tua ahih manin hun haksat hun hong tun ciangin galte’ hong suknateng khempeuh nangzo-in, a tawpna-ah a gualzo na hih theih nadingun Pasian’ galvan namkim na zang un.

Piancilna 49:6

Amau’ kikhopna-ah ka kihel kei ding a, amau’ pawl tawh ka kizom kei ding hi. Bang hang hiam cih leh a heh manun mi that uh a, kiphatsakna lungsim tawh amaute in mawlpih dingin bawngtalte’ zagui a sattat uh hi.

Jeremiah 17:7

“Topa muangin amah a beel mi in thupha a ngah ahi hi.

Paunak 13:15

Thungaihsut theihna maipha ngahna hi a, zuautatna in lungkhamna bek piangsak hi.

Late 119:115

No, siatna a bawlte aw, Pasian’ thupiakte ka zuih theih nadingin kei kiang panin paikhia un.

Late 106:3

Thutang a zui, a tawntungin thumanin a gamta mite, mi nuamsa ahi hi.

Late 26:12

Leizang munah ka ding hi. Mihon tampi lakah Topa ka phat ding hi.

Paunak 2:12

a sia-in na gamtatkhak ding hong kem ding a, kampauna tawh buaina a piangsak thei mi,

Late 81:12

Tua ahih ciangin a ut bangun a gamta dingin amau’ lungsim khauhna bangin ka gamtasak hi.

Paunak 4:19

Migilote’ lampi ahihleh zan khuamial bangin mial a, amaute a tuksak, a suihkhakte nangawn mu thei lo uh hi.

Paunak 3:34

Amah in mi kihisakte bangmahin sim lo a, a kiniamkhiatte tungah maipha a pia hi.

Mangmuhna 22:14

Khuapi kulhkongpi sungah a luttheih nading le nuntakna singgah a nektheih nadingun a puan uh a siangin a sawp mite, mi hampha ahi uh hi.

Paunak 9:12

Pil lecin nangma phattuamna ding hi a, pilna don kei lecin nangma supna ding ahi hi.

Late 84:12

Vanglian Topa aw, nangmah a hong muang mite, thupha ngah mi ahi uh hi.

ROM (Romans) 5:2

Ama hangin upna tawh tu-a i omna Pasian hehpihna sungah a tung ihi a, Pasian tawh minthanna ngahkhawm ding, ci-in lamen ihih manin i lung a dam hi.

Late 144:15

Tua bang thupha a ngah mi mi lungdam ahi hi. Topa pen amau’ Pasian ahi mite pen mi lungdam ahi hi.

Johan 20:29

Jesuh in, “Kei na hong muhkhit ciang bekin hong um pan na hi hiam? Kei hong mu lo napi-in hong umte a dingin lungdamhuai mahmah zaw ding hi,” a ci hi.

Paunak 1:22

“Mihaite aw, bang tanvei hai omom nuam na hi uh hiam? Bang tanvei pilna thudon loin om ding na hi uh hiam? Pilna ngaihsutin nei ngei lo ding na hi uh hiam?

1 PETER MASA 4:3

A beisa hunah dawibiate’ gamtat bangin a hoihkhop khat na gamta khinta uh a, a kilawm loin gamtatna, hukna lanna, zunekna, uangtatna, zukham luatna le a muhdahhuai milim biakna-in na hun uh na beisak uh hi.

Johan 13:17

Hih thu thei-in na zuih uhleh na lung uh nuam mahmah ding hi.

Late 146:9

Topa in peemtate kem a, meigong numeite le pa nei lote a huh hi. Ahih hangin amah in migilote’ vaihawmna a suksiatsak hi.

Late 146:5

Jakob’ Pasian pen amah huhpa hi-in, ama Topa Pasian a muang mipa mi lungdam ahi hi.

1 KUMPI MASATE 16:31

Nebat’ tapa Jeroboam’ khialhnate zuih ding ama a dingin a thuzang tawh a kibat mah bangin, amah in Sidon mite’ kumpi Ethbaal’ tanu Jezebel zi-in la a, pai-in Baal na semin a bia hi.

Thu-hilhkikna 33:29

Na galte in hong mai-etin, na kiangah hong pai ding uh a, amaute na tuancil ding hi,” a ci hi.

Ezekiel 20:18

A tate uh kiangah, ‘Na pu na pate un a bawl thukhamte zui kei unla, amaute’ tat ngeinate zui kei un. A milim biakte uh tawh zong kininsak kei un.

Paunak 19:29

Mi a thusim lote in ciangduai thuak uh a, mihaite in satna thuak uh hi.

Late 64:2

Migilote’ sawmsimna, thusia bawlte’ vaihawmna,

JOB (Job) 31:5

“Ka gitloh gamtat ngei lohna, kuamah ka khem ngei hetlohna, ka gamtat hoihna thute-ah ka kiciam ngam hi.

JOB (Job) 10:3

Na khut tawh na sepsate simmawh bawlin, migilote’ vai panpihin, hih bangin nong netniamna ah bang phattuamna ngah na hi hiam?

Piancilna 5:24

Enok pen Pasian tawh kikhawl hi. Enok kimu nawn lo hi; bang hang hiam cih leh Pasian in amah la hi.

2 KHANG TANGTHU NIHNATE 22:3

Ama nu in a sia-a a gamtatna ding lamlak ahih manin amah zong Ahab innkuan dangte’ gamtat bangin a gamta hi.

Mattiu 16:17

Tua ciangin Jesuh in ama kiangah, “Jonah’ tapa Simon aw, hoih mahmah hi. Hih thu, leitung pilna tawh na theihtawm hi lo a, vantungah a om ka Pa in nangma tungah hong hilh ahi hi.

Thu-hilhkikna 14:6

Ganhingte lak panin a khecin a ka, eknel a hai ganhing peuhmah na ne thei ding uh hi.