Kolose 4:8 - Tedim Bible

⁸ Hih lai-a kote’ omzia hong gen ciangin note’ lungsim a noptheih nadingin amah a hong paisak ka hi hi.

Tedim Bible Revision 2017

⁸ Hih lai-a koteʼ om zia hong gen ciangin noteʼ lungsim a nop theih nadingin amah a hong paisak ka hi hi.

Kolose 4:8 Referans Kwoze

Efesa 6:22

Kote’ omzia na theih nading uh le amah in note’ lungsim hong thahatsak theih nadingin amah a hong paisak ka hi hi.

Kolose 2:2

Note, lungsim hanna tawh kidimin, thu a man taktakin na theihna hangun lungkip takin omin, itna tawh pumkhat na suahtheih nading uh ka deihna ahi hi. Tua hileh Pasian’ thusim ahi Khrih mahmah na thei ding uh hi.

2 THESALONIKA NIHNA 2:17

note lungsimah thakhauhna hong guan hen la, a hoih thu khempeuh genin a semzo dingin na tha uh hong hatsak tahen.

1 THESALONIKA MASA 5:14

Sanggamte aw, a thadah mite hilh unla, a meidawite hanthawnin, a zawngkhal mite huh unla, hih bang mite ngongbawl kei un.

1 THESALONIKA MASA 5:11

Tua ahih manin tu laitakin na omzia uh mah bangin khatlekhat kihanthawnin na kihuh ciat ta un.

1 THESALONIKA MASA 4:18

Tua ahih ciangin note khatlekhat hih thu tawh na kihehnem un.

1 THESALONIKA MASA 3:5

Tua ahih manin ka thuakzawh nawn loh ciangin note’ upna zia a thei dingin Timoti ka hong sawl hi. Dawimangpa’ ze-etna in note hong puksakkha-in, kote’ nasepna a mawkna suakkha ding hi, ci-in ka lunghimawh uh hi.

1 THESALONIKA MASA 3:2

Khrih Lungdamna Thu hilhna-ah Pasian a dingin kote tawh na a semkhawm i sanggampa Timoti hong paisak le-ung hoihpen ding hi, ci-in ka ngaihsun uh hi. Amah in note hong hanthawnin na upna uhah hong kipsakin,

1 THESALONIKA MASA 2:11

Pa in a tate a bawl bangin note ka hong bawlna uh na thei uh hi.

Filippi 2:28

Tua ahih manin amah na muh uh ciangin na lungdam theih nading uh le kei’ lunghihmawhna a kiam nadingin amah ka hong ciahsak ding ka kin semsem hi.

2 KORIN NIHNA 12:18

Note kiangah Titus a hong pai nading ka hahsawl a, amah tawh a kithuah dingin thu upna sungah ka sanggampa uh zong ka hong paisak hi. Titus in nuamtaksa-in note tungah bang hong ngen zenzen ahi hiam? Kote in lungsim kibangin na semin ka kalsuanna zia uh zong a kibang hi lo ahi hiam?

2 KORIN NIHNA 2:7

Tua ahih manin a mawhna maisak ta unla hehnemzaw un. Tua hikeileh dahlua-in siatlawh kha ding hi.

2 KORIN NIHNA 1:4

Amah in kote’ haksatna khempeuhah hong huh ahih manin, kote in zong Pasian’ tung panin ka ngah uh tua huhna mah zangin haksatna a nam tuamtuam a thuakte ka huhsawn thei leuleu uh hi.

1 KORIN MASA 4:17

Tua thu hangin note kiangah, ka it mahmah, Topa thu sungah a citak mahmah, ka tapa Timoti ka hong paisak hi. Amah in, Jesuh Khrih thu sungah ka nuntakna ziate le pawlpi a tuamtuamte kiangah ka thuhilhte khempeuh, note tungah hong hilh ding hi.

Isaiah 40:1

Ka mite hehnem un, hehnem un, na Pasian un ci hi.