Kolose 4:7 - Tedim Bible

⁷ Topa’ nasepna-ah citakin a manpha mahmah ka naseppih uh ka sanggam uh Tikhikas in kei’ thu a kicing takin note kiangah hong gen ding hi.

Tedim Bible Revision 2017

⁷ Topaʼ nasepna ah citakin a manpha mahmah ka nasep pih uh ka sanggam uh Tikhikas in keiʼ thu a kicing takin note kiangah hong gen ding hi.

Kolose 4:7 Referans Kwoze

2 TIMOTI NIHNA 4:12

Tikhikas ahihleh Efesa khua-ah ka paisak khin hi.

Sawltak 20:4

Berea khuami Pirras’ tapa Sopater, Thesalonika khuami Aristarkhas le Sekundus, Derbe khuami Gaias, Timoti, le Asia gam sung panin Tikhikas le Trofimas-te in zong a zui uh hi.

Titu 3:12

Artemas ahi a, Tikhikas ahi zongin khat peuhpeuh nang kiangah ka hong paisak ciangin, Nikopolis khua-ah phalbi sung omsawm ka hih manin, kei omna tua khua-ah nong paitheih nadingin hong hanciam in.

Kolose 4:9

Note’ khuapih mi, a citak i sanggam it pa Onesimas zong ka hong zuisak hi. Amau tegel in hih lai-a thupiang khempeuh note kiangah hong gen ding uh hi.

Kolose 4:12

Jesuh Khrih nasem, note’ makai Epafras in zong hong hopih hi. Pasian’ deihna bangin note nungta-in, lungsim khanghamin kiptakin na omtheih nadingun amah in thu hong ngetsak tawntung hi.

Filippi 2:25

Note in kamtai ding le keimah hong huh dingin na hong sawl uh, kei tawh na semkhawmin gal hong simpih, i sanggampa Epafroditas pen note kiangah ka hong ciahsakkik ding kisam hi, ci-in ka ngaihsun hi.

Kolose 1:7

Hih thu pen, Khrih nasepna sungah kote’ tangin citakin na a sem, kote’ naseppih Epafras tung panin na zak uh ahi hi.